Sisinu nga mawawan i pangirespeto. Kulletan na pasiente i doktor; ipasiranan na kostumer i waiter; kiddaman na pasaheru i flight attendant; pagillakayuan, ananassingan, anna atakeyan na estudiante i mestru da; anna magangngua tu kappasiran ira nga gannug i karuan nga pulitiko, appe gapa nga marespeto i karuan nga pulitiko.

 Mapattalakkan nga giya i Biblia ta pangipasingan tu kurug nga pangirespeto. Ikagi na gapa nu ngatta aru nga totolay i awan tu respeto na ta kaggawattam.

 I kawan na respeto—ugali nga makasta, mepangngo, anna tumuttul ta moral—ay masingi-singan ta interu mundo.

•   Segun ta nikanni laman nga Gallup poll, aru nga taga-America i nakkagi nga awan ngana tu pangirespeto na totolay ta United States kumpara ta nappasa nga 22 nga dagun.

•   Ta tadday nga survey ta maturu tu 32,000 nga totolay ta 28 nga nasion, 65 porsiento i nakkagi nga mas awan ngana tu pangirespeto na totolay sangawe.

 Dati ngana nga neprofesiya na Biblia i ugali na totolay sangawe.

•   “Daddammam-mu tu duttal noka i ziga-riga ta pangurianan ira nga aggaw. Tatun ira noka nga aggaw, ayatan na totolay i baggi da laman, anna kuartu laman i agga-nono da. Palagopog noka ira, minappakatannang, minangnguyu-uyaw, ari nga manguru-kurug ta magana da, ariad-da nga ammu i mabbala-balo, anna awan tu agganassing da ta Dios. Ari tu yaw laman: manattazzi paga noka ira, awan tu allo da ta ikattolay da, . . . kitapporay, anna ikalussaw da noka i mapia.”​—2 Timoteo 3:1-3.

 Tapenu mammuan i mas aru paga nu kunnasi nga matuppal yaw nga profesiya, bibbigan i artikulo nga “Inihula Ba ng Bibliya na Magiging Ganito ang Ugali ng mga Tao sa Ngayon?”

 Ta mundo nga sisinu nga mawawan i pangirespeto, nalegan na minillion nga totolay ta Biblia i mapattalakkan nga giya ta pangipasingan tu respeto. I tabarang na ay ‘mannanayun adde noka.’ (Salmo 111:8) Ikonsidera i karuan ira nga angngarigan:

•   I kagian na Biblia: “Kuan nu gafu ta ikattolay nu i ikaya nu nga kuad-da nikamu.”​—Mateo 7:12.

   Kebalinan na: Mawag nga masippo anna marespeto i pattratu tam ta tanakuan, kagitta na kayà tam nga pattratu da gapa nittam.

•   I kagian na Biblia: “Ari kamu ngana nga malladda-laddug. Kunna mawwaragi ta angngurug, makkagi kamu ta kurug ta kataggi-tadday.”​—Efeso 4:25.

   Kebalinan na: Mawag tu mapattalakkan ittam ta ngamin nga kakkagian anna kukukuattam.

 Tapenu mammuan i mas aru paga taw nga topiko, bibbigan i:

•   Isyu na Passifusifutan nga nateman tu “Mapia Anna Marake—Mapattalakkan nga Giya.”

•   Artikulo nga “Pangirespeto ta Padduruma Tam—Nu Kunnasi Makoffun i Biblia.”