Ta 2023, nabbalin tu prayoridad ta interu mundo i pakillaban ta pakatageno tu pagitetadday. Egga kari i solusion ta pakatageno tu pagitetadday?

•   “Nu makatageno ittam tu pagitetadday anna nu isisina tam i baggi tam awayya na nga afektan natun i gawa-gawayyan anna pagayayya tam,” kagian ni Dr. Vivek Murthy, U.S. surgeon general. Ngem kinagi na gapa: “Egga i makua tam.” Anni yatun? “Gukaban na pagangngua tu baraddi ira nga gannug kadaggaw tapenu mapasikan i relasiottam ta tanakuan.” a

 Ari laman tu resulta na pangisisina ta baggi i pakatageno tu pagitetadday. Matageno gapa yatun na karuan maski nu egga ira ta magaru nga tolay. Maski anni paga i makagafu ta pakatageno tam tu pagitetadday, makoffun i Biblia. Egga ira i praktikal nga tabarang na nu kunnasi tam mapaladda i pakikkofuttam tapenu malabanattam i pakatageno tu pagitetadday.

 Mabbalin tu mapia ta pakikomunika. Ari laman tu ikagim i mataga-tageno mu nu ari ginnammu gapa i kagiadda. Nu mas nga ipasingammu i interes ta tanakuan mas nga malladda i relasion nu.

•   I prinsipio na Biblia: “Arian nu nga nonopan i pammakapian nu laggapa, nu ari i pammakapian na kataggi-tadday nikamu.”​—Filipos 2:4.

 Mapeggan tu mas aru nga kokkofun. Makikkofukka ta totolay ira nga mas manakam onu mas abbing nikaw onu turi ta tanakuan i kultura onu naggafuadda.

•   I prinsipio na Biblia: “Vukatan nu ta mapia i giffutuan nu!”—2 Corinto 6:13.

 Para ta aru paga nga informasion nu kunnasi tam mapaladda i pakikkofuttam ta tanakuan, bibbigan i artikulo nga “Sinasapatan ang Ating Masidhing Pagnanais na Makipagkaibigan.”