SIGGA-SIFU KAMU!
Masiki-sikan Anna Makadaral ira nga Lunig, Nesimmu ta Turkey Anna Syria—Anni i Kagian na Biblia?
Turi ta Lunes, Pebrero 6, 2023, nallunig tu masiki-sikan ta Turkey anna Syria anna napakaru i zinaral na.
“Ta Lunes, maturu tu 3,700 nga totolay ta dakal nga parte na Turkey anna northwest Syria i natay megafu ta masiki-sikan nga lunig. Malallamming i tiempo yari tu mas marigatan i rinivu nga totolay nga natakitan onu nawanan tu babalay megafu ta lunig. Megafu gapa tatun, mas mariga nga alegan danuri awayya na tu matolay paga.”—Reuters, Pebrero 6, 2023.
Maraddam ittam kada mabibbig tam i meyannung ta kunnatun ira nga trahedia. Ta kunnatun ira nga tiempo, makapattalo ittam ta “Dios nga paggafuan na ngamin nga uffun” nga si Jehova. (2 Corinto 1:3) Uffunan na ittam nga ‘magiddanama gafu ta kapasikan na nono nga maggafu ta Masanto nga Tura.’—Roma 15:4.
Ta Biblia, mammuattam:
Nu anni i dati ngana nga nakagi meyannung ta lunig ira.
Nu sitaw ittam makaleg tu banna-bannay anna iddanama.
Nu kunnasi nga pawanan na Dios i ngamin nga ziga-riga.
Tapenu mammuan i kagian na Biblia meyannung tatun ira nga topiko, bibbigan i artikulo ira nga:
a Jehova i personal nga ngagan na Dios.—Salmo 83:18.