SIGGA-SIFU KAMU!
2022: Kavvuru-vurung nga Dagun—Anni i Kagian na Biblia?
Ta 2022, kanayun nga makaginna ittam tu balita meyannung ta gerra, ziga ta ekonomia, anna natural ira nga kalamidad. I Biblia laman i makepakanawag ta fustu nga kebalinan na nesissimmu ira.
I fustu nga kebalinan na nesissimmu ta 2022
Mas pakurugan na nesissimmu ira ta nappasa nga dagun nga mattotolay ittam ngana ta tiempo nga nagalan ta Biblia tu i “pangurianan ira nga aggaw.” (2 Timoteo 3:1) Namegafu yatun nga tiempo turi 1914. Innan nu kunnasi nga i nesissimmu ira ay eksakto ta dati ngana ira nga kinagi na Biblia nga mesimmu ta tiempo tam:
“Gerra ira.”—Mateo 24:6.
“2022 [i] Dagun nga Naekspiriensa Uli na Europe i Grabe nga Efekto na Gerra.” a
Innan i artikulo nga “Pangatake na Russia ta Ukraine.”
‘Bisin.’—Mateo 24:7.
“2022: Dagun nga Nepallo i Bisin.” b
Innan i artikulo nga “Gerra ta Ukraine, Pinaggrabe Na i Pakkurang tu Makan ta Interu Mundo.”
“Palakag nga tulu-tulagan” onu kappatay nga taka-taki.—Lucas 21:11.
“Nallattuag uli i polio, nabbalin tu dakal nga problema i monkeypox, anna tulu-tuloy paga nga mamerwisiu i COVID-19. Manawag nga ipasingan naw nga situasion nga delikadu i makeyali ira nga taka-taki anna ari nga mawayya na totolay nga labanan danatun.” c
Innan i artikulo nga “6 Million i Natay ta COVID-19.”
“Kanninipang” onu kappaganassing nga ganna-gannug.—Lucas 21:11.
“Sobra nga patu (heatwave), grabe ira nga tiempo na maga, wildfire, anna pabbaha. Ari tam makattaman i tiempo na summer ta 2022 megafu ta mamippiga nga nepallo nga nanguli i panniempo nga aru i zinaral na, rinivu nga totolay i natay, anna minillion ta interu mundo i nadaral i babaleda.” d
Innan i artikulo nga “Pinakamapatu nga Temperatura ta Interu Mundo.”
“Gulu-gulu ira.”—Lucas 21:9.
“Mas minaru i napprotesta kontra ta gobiernu ta 2022 megafu ta makaporay i totolay ta problema ta ekonomia, anna mas nga nangngina i magatang ira.” e
Innan i artikulo nga “Pangngina na Magatang ta Interu Mundo.”
Anni tamma i mesimmu ta tumunug nga dagun?
Awan tu makekagi nu anni i mesimmu ta 2023. I ammu tam laman ay aranni ngana nga magguyu i Pappatulan na Dios, onu i nelangitan nga gobiernu, tapenu pangulian i mesissimmu ira ta davvun. (Daniel 2:44) Alsan natun nga gobiernu i makagafu ta pazziga-riga na totolay anna siguraduan na nga makua i uray na Dios ta davvun.—Mateo 6:9, 10.
Ipagaram mi nikamu nga tuttulan nu i tabarang ni Jesus anna mawag nga sigga-sifu kamu nu kunnasi nga tuppalan na mesissimmu ira ta mundo i dati ngana ira nga nakagi ta Biblia. (Marcos 13:37) Kontakan nakami tapenu mas aru paga i magigiammum nu kunnasi nga moffunan naka na Biblia sangawe anna nu kunnasi na nga meyawa nikaw anna ta familiam i kurug nga iddanama para ta makasta nga mappange.
a AP News, “2022 Was Year the Horror of War Returned to Europe,” by Jill Lawless, December 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022.
d Earth.Org, “What’s Behind the Record-Breaking Extreme Weather Events of Summer 2022?” by Martina Igini, October 24, 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.
Baka Kaya Mu Gapa i
PASSIFUSIFUTAN
Aranni Ngana Alsan na Dios i Pazziga-riga
Kunnasi tam mammuan nga aranni ngana alsan na Dios i ngamin nga pazziga-riga anna kawan tu hustisia?
ESSENTIAL BIBLE TEACHINGS
Anni i Pappatulan na Dios?
Ta interu ministerio ni Jesus, nitudduna i meyannung ta Pappatulan na Dios anne ta maski anni nga topiko. Ta aru nga siglo, nipakimallo na disipulosna nga duttal nakuan yatun nga Pappatulan.
NABALOR IRA NGA TUTTUDDU TA BIBLIA
Namegafu nga Nammaguray i Pappatulan na Dios ta 1914
Maturu tu 2,600 nga dagun ngana i nappasa, nipakannammu na Dios ta tadday nga makapangngua nga patul i tadday nga profesiya gukaban na tatageno. Matuttuppal ngana yatun sangawe.
MEYANNUNG NIKAMI
Mar-request tu Egga Mabbisita Nikaw
Pabbidan i tadday nga pakkiavu meyannung ta Biblia, onu mas paga nga ammuan i meyannung ta Saksi ira ni Jehova.
