Ta ummumma na Pebrero 24, 2022, pinegafuanan na militar na Russia nga atakeyan i Ukraine, maski nu ikakkaguman na lider ira na gobiernu nga lillitan i gerra. Anni i efekto natun ta interu mundo? Ta nappasa nga piga nga aggaw, kinagi na secretary-general na United Nations nga si António Guterres: “Siguradu nga grabe nga ziga anna aru nga kadaral i mesimmu megafu tatun nga gerra, anna dakal i efekto natun ta seguridad na nasion ira ta Europe anna ta interu mundo.”

•   Niprofesiya ni Jesus nga duttal i tiempo nga “maggegerra noka i nasa-nasion, kunne na gapa ta pappatulan ira.” (Mateo 24:7) Bibbigan i artikulo nga “Ano ang Tanda ng ‘mga Huling Araw,’ o ‘Katapusan ng Panahon’?” tapenu mammuan nu kunnasi nga ipasingan na Biblia nga ketuppalan na profesiya ni Jesus i gerra ira sangawe.

•   Ta libru na Nepakannammu, nerepresenta i gerra bilang i nakatakay ta “kabayu nga makalozzin” nga “mamaggegerra ta totolay ta utun na davvun.” (Nepakannammu 6:4) Bibbigan i artikulo nga “I Appa nga Nakakabayu—Sinni Ira?” tapenu mammuan nu kunnasi nga tumukoy yaw nga profesiya ta gerra ira sangawe.

•   Neprofesiya ta libru nga Daniel i pakkalaba-laban na “patul na sigiran” anna “patul na zita.” (Daniel 11:25-45) Girawan i video nga Natuppal nga Profesiya—Daniel Kapitulo 11 tapenu mammuan nu ngatta makagi tam nga i Russia anna i kaalyadu na ira i patul na sigiran. a

•   Nakagi gapa ta libru na Nepakannammu i meyannung ta ‘gerra na dakal nga aggaw na Dios nga Makapangngua sa Ngamin.’ (Nepakannammu 16:14, 16) Ngem neruma yatun nga gerra ta masingi-singattam sangawe. Bibbigan i artikulo nga “Ano ang Digmaan ng Armagedon?” para ta mas aru paga nga informasion meyannung tatun nga mesimmu ta mappange.

•   Kagian na Biblia nga i Dios, “pagimmangan na i gerra ira ta tanga-ravvunan.” (Salmo 46:9) Bibbigan i artikulo nga “Makakaasa Ka sa Isang Magandang Kinabukasan” tapenu mas aru paga i mammuammu meyannung ta promesa ira na Dios ta mappange.

•   Nituddu ni Jesus ta tagatuttul na ira nga ipakimallo da i paddattal na Pappatulan na Dios. (Mateo 6:9, 10) Nelangitan nga gobiernu yatun nga Pappatulan nga mattuppal ta uray na Dios ta davvun. Nelavu tatun nga uray na Dios i imammo ta interu mundo. Tapenu mammuammu nu kunnasi ka nga mabenefisiowan na Pappatulan, girawan i video nga Anni i Pappatulan na Dios?

 Maturu tu 129,000 i Saksi ira ni Jehova ta Ukraine. Gitta na Saksi ira ta tanakuan nga nasion, paparigadda si Jesus gukaban na pabbalin tu neutral ta pulitika anna pammanaki da nga makiparte ta gerra. (Juan 18:36) Ta interu mundo, itulu-tuloy lagapa na Saksi ira ni Jehova nga ilayyagayya i ‘mapia nga dumug na Pammaguray na Dios’ bilang i solusion ta ngamin nga problema na totolay, nelavu ngana i gerra. (Mateo 24:14) Kontakan nakami para ta mas aru paga nga informasion meyannung ta iddanama nga kagian na Biblia.