Ta kegga ni Jesus ta davvun nipasingan na i kadakal na aya na ta totolay, mas ngana turi ira ta maziga anna mavuru-vurung. (Mateo 9:36) Nisakrifisio na paga lagu i inango na para ta tanakuan. (Mateo 20:28; Juan 15:13) Ta mappange, ipasingan na uli i aya na ta totolay gukaban na pangusa na ta autoridad na bilang Patul na Pappatulan na Dios tapenu pangultimuan i pazziga-riga ta interu mundo.

 Kagian na Biblia nu anni i kuan noka ni Jesus:

•   “Itaddag paray na patul i katunungan na mariga ira; uffunan na paray danuri i aru i awagad-da.”​—Salmo 72:4.

 Kunnasi tam mepasingan i pappabalo tam ta ngamin nga kingngua ni Jesus anna ta kuan na paga para nittam ta mappange? Ta Lucas 22:19, nibilin ni Jesus ta tagatuttul na ira nga daddammadda i patay na. Yayya nga ta kada dagun, ta anibersario na patay na, mattaradday i Saksi ira ni Jehova. Imbitammi kamu nga daddamman i Memorial na patay ni Jesus sonu Liggu, Marso 24, 2024.

Magaleg tu Memorial