Kakayà na aru nga totolay i mundo nga awan tu pangireruma ta lahi, ngem ari paga nesimmu yatun.

•   “I pangireruma ta lahi ay gitta na poison nga makadaral ta organisasion, grupo na totolay, anna inaggaw nga kukukuan na totolay. Megafu taw, tulu-tuloy nga ari patas i pattratu na totolay ta kataggi-tadday.”—António Guterres, UN Secretary-General.

 Mawawan paga kari i pangireruma ta lahi? Anni i kagian na Biblia?

 Ituddu nittam na Biblia i matageno na Dios ta totolay ira nga madduruma i lahi da.

•   “Tadday laman nga tolay i pinaratu na [Dios] nga naggafuan na ngamin nga rasa na totolay, anna pinaddian na ira ta madduma-ruma nga lugar ta utun na davvun.”—Kingngua 17:26.

•   “I Dios ay arian na nga padduma-ruman i pangikakua na ta totolay. Ta alawatan na i sinni laman nga matunung anna minakkimoray sa, maski nu anni nga rasa i naggafuan na.”—Kingngua 10:34, 35.

 Ipasingan na Biblia nga tadday ittam laman nga familia anna alawatan na Dios i totolay maski nu anni i lahi da.

 Mapawan i pangireruma ta lahi sonu mammaguray ngana i Pappatulan na Dios, i nelangitan nga gobiernu. Ituddu natun nga gobiernu nu kunnasi i mepangngo nga pattratu da ta kataggi-tadday. Magigiammu na totolay nu kunnasi da nga alsan i matageno da nga pangireruma ta tanakuan nga lahi.

•   “Magigiammu na totolay i kinatunung.”—Isaias 26:9.

•   “I resulta na kurug nga kinatunung ay imammo, anna i vunga na kurug nga kinatunung ay mannanayun nga pakkalma anna seguridad.”—Isaias 32:17.

 Sangawe, magigiammu na minillion nga totolay ta Biblia nu kunnasi tratuan i kataggi-tadday nga marespeto anna egga i dignidad na.

•   Tapenu mammuan i aru paga, bibbigan i magazina nga Malukag! nga egga i tema na nga “Masolusionan Kari i Pangireruma?”

•   Bibbigan i artikulo nga “Ipakipag-usap sa mga Anak ang Tungkol sa Diskriminasyon” tapenu mammuan na mappagana nu kunnasi metuddu yaw ta ána da.