Video ira nga Introduksion ta Libru na Biblia
Importante ira nga informasion meyannung ta kada libru na Biblia.
Introduksion ta Genesis
Mabibbig ta Genesis i importante ira nga informasion meyannung ta pamegafu na totolay, pazziga-riga, anna patay.
Introduksion ta Exodo
Pinaliag na Dios i Israelita ira ta ka-aripadda ta Ehipto anna kiningnguana ira tu tadday nga nasion nga nededika ta nisa.
Introduksion ta Levitico
Ammuan nu kunnasi nga niyesplika na Levitico i kasanto na Dios anna nu ngatta importante nga mabbalittam tu masanto.
Introduksion ta Numeros
Ammuan i importansia na pattuppal kani Jehova anna pangirespeto ta napili ira nga mangirollu ta ilina.
Introduksion ta Deuteronomio
Masingan ta Dob ni Jehova ta Israel nga iddeddukan na i ili na.
Introduksion ta Josue
Innan nu kunnasi nga nasakup anna binilli-billay na Israelita ira i davvun nga nipromesa na Dios.
Introduksion ta Ukum Ira
Nepangagan yaw nga libru nga napannu tu maaksion nga istoria ta magutu anna matalo nga lallaki nga inusa na Dios tapenu ipaliag i Israel ta manattazzi ira.
Introduksion ta Ruth
I Ruth ay meyannung ta minassakrifisio nga aya na babay nga balu ta balu gapa nga katugangan na nga babay anna nu kunnasi ira nga binendisionan ni Jehova.
Introduksion ta 1 Samuel
Mabibbig taw i tiempo tagga ta patul ngana i mangirollu ta Israel, ari ngana tu hues.
Introduksion ta 2 Samuel
Mammuammu taw nga megafu ta kinapakalinno anna pangurug ni David, nabbalin yayya tu meddeddu anna kilala nga karakter ta Biblia.
Introduksion ta 1 Patul Ira
Ammuattam i makasta nga pattolay na Israelita ira ta pammaguray ni Patul Solomon adde ta magulu nga paddia-paddian na dua nga pappatulan na Israel anna Juda.
Introduksion ta 2 Patul Ira
Ammuan nu kunnasi nga zinaral na apostasia i sigiran nga pappatulan na Israel, anna nu kunnasi nga binendisionan ni Jehova danuri napafutu i passerbi da nisa.
Introduksion ta 1 Cronicas
Ammuan i ginafuanan anna i nesissimmu ta pattolay na matalo nga si Patul David, namegafu ta ketrono na nga patul na Israel adde ta patay na.
Introduksion ta 2 Cronicas
Ammuammu i importansia na kinamatalo ta Dios ta rekord na nesissimmu ta patul ira na Juda.
Introduksion ta Ezra
Kinurug ni Jehova i promesana ira nga paliaran i totolena ta neka-aripan ta Babilonia anna itoli i kurug nga paddayarayaw ta Jerusalem.
Introduksion ta Nehemias
Ta kaggawattam, aru i magigiammu na kurug nga maddayarayaw tu importante ira nga leksion ta libru na Biblia nga Nehemias.
Introduksion ta Ester
Mapasikan na nesissimmu ta tiempo ni Ester i pangurugmu ta pakapangngua ni Jehova nga Dios nga mangipaliag ta ilina ta kapurueba ira ta maddaggun.
Introduksion ta Job
Mapurueban i ngamin nga mangaya kani Jehova. Mangiyawa nittam tu komfiansa i rekord na Job nga awayya tam mapattalupaddian i kinamatalo tam anna masuportan i soberania ni Jehova.
Introduksion ta Salmo
Suportan na Salmo i soberania ni Jehova, uffunanna anna banna-bannayan danuri mangaya sa, anna ipasinganna nu kunnasi manguli i mundo gukaban na Pappatulanna.
Introduksion ta Proverbio
Mappagiya ta Dios ta maggi ngamin nga aspeto na pattolay—ta negosio anna ta familia.
Introduksion ta Eclesiastes
Nipasingan ni Patul Solomon i pakkaduman na gannug ira nga talaga importante ta pattolay anna gannug ira nga mekontra ta makadios nga sirib.
Introduksion ta Kansion ni Solomon
Neyilustra nga “zog ni Jah” i mannanayun nga aya na Shulamita para ta pastor. Ngatta?
Introduksion ta Isaias
Libru na kurug nga profesiya i Isaias nga mamasikan ta pattalomu kani Jehova bilang Tagatuppal na promesa ira anna Dios na kapaliag.
Introduksion ta Jeremias
Nattalupaddian nga matalo si Jeremias ta annunganna bilang profeta maski nu mapeppersigi. Nonopan nu kunnasi makoffun i ehemplona ta Cristiano ira ta maddaggun.
Introduksion ta Silasigo
Mabibbig ta libru na Silasigo, nga nitura ni profeta Jeremias, i paddaddam ta kadaral na Jerusalem anna nu kunnasi ikallo na Dios i mabbabawi ira.
Introduksion ta Ezekiel
Sigga-pakalinno anna magutu nga sinuppal ni Ezekiel i anni laman nga annungan nga naggafu ta Dios, maski nu mariga yatun. Dakal nga uffun nittam ta maddaggun i ehemplona.
Introduksion ta Daniel
Nattalupaddian nga matalo kani Jehova si Daniel anna i kakavuluna ta maski anni nga situasion. I ehemploda anna i ketuppal na profesiya ay makabenefisio nittam ta maddaggun, ta tiempo na panuppalan.
Introduksion ta Oseas
Nelagum ta profesiya ni Oseas i nabalor ira nga leksion nittam sangawe meyannung ta pangikabbi ni Jehova ta nabbabawi ira nga nakaliwa anna i klase na paddayaw nga ikikkiddona.
Introduksion ta Joel
Niprofesiya ni Joel i umara-aranni nga “aggaw ni Jehova” anna kinagina i mawag kuan tapenu mapaliag. Ari metalattan i profesiyana ta maddaggun.
Introduksion ta Amos
Inusa ni Jehova yaw nga mapakalinno nga tolay para ta importante nga trabahu. Anni ira nga nabalor nga leksion i magigiammu tam ta ehemplo ni Amos?
Introduksion ta Obadias
Yaw i kababban nga libru ta Hebreo nga Katurakan. Mangiyawa yaw nga profesiya tu iddanama anna nipromesana i mannanayun nga pammaguray ni Jehova.
Introduksion ta Jonas
Inaksepta na profeta i panunung, sinuppalna i annunganna, anna nagigiammuna i nabalor nga leksion ta matalo nga aya anna allo na Dios. Matukkal i futum ta ekspiriensana ira.
Introduksion ta Mikias
Mapatuyag naw nga profesiya nga naggafu ta Dios i pattalo tam nga rasonable anna makabenefisio i ikikkiddaw nittam ni Jehova.
Introduksion ta Nahum
Mangiyawa nittam i profesiya tu komfiansa nga kanayun tuppalan ni Jehova i uvovugna anna banna-bannayanna i ngamin nga magaleg tu imammo anna kapaliag gukaban na Pappatulanna.
Introduksion ta Habakuk
Makapattalo ittam nga kanayun nga ammu ni Jehova nu kanni anna nu kunnasina ipaliag i ilina.
Introduksion ta Zefanias
Ngatta magimmugug ittam ta pannono nga ari duttal i aggaw na pangukum ni Jehova?
Introduksion ta Hageo
Ipasingan na profesiya i importansia na pangipoppollu ta paddayaw ta Dios imbes ta personal ira nga pammakapianan.
Introduksion ta Zacarias
Aru nga sirmata anna profesiya ira nga naggafu ta Dios i namasikan ta ili na Dios ta nappasa. Danaw gabbalaman nga profesiya i mangipasiguradu nittam ta suporta ni Jehova ta maddaggun.
Introduksion ta Malakias
Profesiya yaw meyannung ta ari manguloli nga prinsipio, allo, anna aya ni Jehova. Mangiyawa gapa i profesiya tu nabalor ira nga tuttuddu meyannung ta situasion ira ta kaggawattam.
Introduksion ta Mateo
Magayaya nga gigiammuan i pamegafuanan ira nga tuddu meyannung taw nga libru na Biblia, i ollu ta appa nga Evanghelio.
Introduksion ta Marcos
Mabibbig ta rekord na Marcos, nga kabaddikan ta Evanghelio, i kuan noka ni Jesus ta pammagurena bilang Patul ta Pappatulan na Dios.
Introduksion ta Lucas
Anni nga informasion i mabibbig laman ta Evanghelio ni Lucas?
Introduksion ta Juan
Ipasigo na rekord ni Juan i aya ni Jesus ta totolay, i kinapakalinnona, anna i panakkilalanna bilang Mesias—i mappange nga Patul na Pappatulan na Dios.
Introduksion ta Kingngua na Apostol Ira
Nappursigi i nakkapollu ira nga Cristiano tapenu mangngua tu disipulos ta ngamin nga nasion. Uffunan ittam na libru na Biblia nga Kingngua nga mas mattalikarag anna mallallappo ta ministerio.
Introduksion ta Roma
Nainspiran nga bilin meyannung ta ari pangireruma ni Jehova anna ta importansia na pangurug kani Jesu-Cristo.
Introduksion ta 1 Corinto
Nelagum ta tura ni Pablo i tabarang na Dios meyannung ta pattaradday, kinarenu ta moral, aya, anna i pangurug ta paginnolay.
Introduksion ta 2 Corinto
Pasikannan anna duffunan ni Jehova nga ‘Dios na banna-bannay’ i aripanna ira.
Introduksion ta Galacia
Meyaplika lagapa ta kaggawattam i tura ni Pablo ta taga-Galacia ira, gittana tagga ta ollu nga netura yaw. Makoffun yaw ta ngamin nga kurug nga Cristiano tapenu mattalupaddian ira nga matalo.
Introduksion ta Efeso
Nainspiran yaw nga tura nga mangipasingan ta gakkag na Dios nga mangirattal tu imammo anna pattaradday gukaban ni Jesu-Cristo.
Introduksion ta Filipos
Mapasikattam i tanakuan nu matalo ittam maski ta kapurueba ira.
Introduksion ta Colosas
Mapagayayya tam si Jehova nu iyaplika tam i magiggigiammu tam, nu makkapaka-pakoma ittam, anna nu rekunnisiattam i posision anna autoridad ni Jesus.
Introduksion ta 1 Tesalonica
Mawag tu agga-lukag ittam ta espiritual, siguraduattam i ngamin nga gannug, kana-kanayun nga makimallo, anna pagarammattam i kataggi-tadday.
Introduksion ta 2 Tesalonica
Nitunung ni Pablo i ugal nga pagimamma meyannung ta paddattal na aggaw ni Jehova, anna pinagaramna i wawwaragi nga mattalupaddian nga matalo ta Dios.
Introduksion ta 1 Timoteo
Nitura ni Pablo i 1 Timoteo tapenu ipakanawag i unnug ta unag na kongregasion anna tapenu manabarang kontra ta laddug ira nga tuttuddu anna ta pangaya ta kuartu.
Introduksion ta 2 Timoteo
Pinagaram ni Pablo si Timoteo nga ituppalna tu mapia i ministeriona.
Introduksion ta Tito
Meyannung ta problema ira ta kongregasion ira ta Creta anna i espiritual ira nga kualipikasion na elder ira i tura ni Pablo kani Tito.
Introduksion ta Filemon
Egga ira praktikal nga leksion naw nga ababba ngem importante nga tura meyannung ta kinapakalinno, kinasippo, anna pamakoma.
Introduksion ta Hebreo
Nebase i paddayaw na Cristiano ta mas atannang nga ganna-gannug anne ta literal nga templo anna ta metavvung ira nga ayam.
Introduksion ta Santiago
Nangusa si Santiago tu manawag ira nga ilustrasion tapenu ituddu i importante ira nga prinsipio para ta Cristiano ira.
Introduksion ta 1 Pedro
Pagaramman ittam na ollu nga tura ni Pedro nga mallallappo anna ipammakatalo tam ta Dios i kavurungattam ira.
Introduksion ta 2 Pedro
Pagaramman ittam na mekadua nga tura ni Pedro nga mabbalin tu matalo durante nga innaggattam i bagu nga langi anna bagu nga davvun.
Introduksion ta 1 Juan
Abisowan ittam na tura ni Juan kontra ta anti-cristo ira anna ipasinganna nittam i mawag nga ayatattam anna i ariattam nga ayatan.
Introduksion ta 2 Juan
Pagaramman ittam na mekadua nga tura ni Juan nga parulattattam i kinakurug anna magimmugug ittam ta minangngilogo ira.
Introduksion ta 3 Juan
Ituddu na mekatallu nga tura ni Juan i makakkasta nga leksion ta pamadulo.
Introduksion ta Judas
Nipasingan ni Judas i makelogo ira nga kukukuan na totolay nga maya mangilogo anna manaral ta Cristiano ira.
Introduksion ta Nepakannammu
Ipasingan na makapabbaw ira nga sirmata ta Nepakannammu i pangituppal na Pappatulan na Dios ta gakkag na Dios para ta totolay anna ta davvun.
