Nituddu ni Jesus nga solban na Pappatulan na Dios i ngamin nga problema na totolay. (Mateo 6:10) Ta Mateo 13:44-46, kinagi na i dua nga ilustrasion nga mangipasingan ta balor na kinakurug meyannung ta Pappatulan na Dios:

•   Egga i tolay nga mattrabahu ta koman tapus aksidente yayya nga nakasimmu tu netagu nga minas.

•   Egga i negosiante nga magala-aleg tu mapia nga klase na perlas tapus nakaleg yayya tu perlas nga kuruga mangina.

 Sigga-aya nga nilaku da i ngamin nga pakkukua da tapenu magatang da i minas nga nalegadda. Irepresenta da i totolay nga kuruga mattagibalor ta Pappatulan yari tu daka-dakal i nisakrifisio da tapenu malawa da i bendision ira nga iyawa na Pappatulan. (Lucas 18:29, 30) Magiraw mu taw nga video i istoria na dua nga tolay nga kagitta nari na dua nga tolay ta ilustrasion ni Jesus.