Turi ta 2010, pinurueban na magatawa nga Ed anna Jennie i mat-telephone witnessing. a Kagian ni Jennie: “Ari ku nga nagustuan yatun. Kinagì ta atawà, ‘Kakku na vuluvuga kuan yatun!’” Kunnatun gabbalaman i natageno ni Ed. Istorian na, “Manaki ku nga egga i mattawag niakan tapus egga i iyofer da nga laku da, yatutta ari ku din maimajin nga sakan gapa saw i mattawag tapenu mat-telephone witnessing.”

 Ngem namegafu i COVID-19 pandemic yatutta niyemmang na Saksi ira ni Jehova i pa-house-to-house da. Ngem kayà da nga tuttulan i bilin ni Jesus nga ikagi ta tanakuan i mapia nga dumug yatutta nitulu-tuloy da lagapa i mallayyagayya. Nal-letter writing anna nat-telephone witnessing ngana laman ira. (Mateo 24:14; 28:19, 20) Tatun gabbalaman nga tiempo, makua ta video call i ngamin nga study maski i meeting for field service ira. Ta mittan nga pinav-video call da Ed, pinurueban na uli i mat-telephone witnessing maski nu marigatan yayya. Anni i natageno na turi ta igafu na ngana i mattawag? Kagian na: “Pray ngà la nga pray megafu ta maggudu-gudu ngà. Tapus nattawag ngà ngana. Tarì nga nakilala si Tyrone.” b

 Maddian ta Kentucky, U.S.A. da Tyrone anna i atawa na nga si Edith. Megafu ta 83 anios ngana si Tyrone, makafi ngana i mata na. Ngem maski kunnatun, kayà na lagapa i mappa-Bible study kani Ed. Tapenu mabibbig na i gigiammuadda, mangusa yayya tu magnifying glass. Ari nabbayag, regular ngana i paki-Bible study na kani Ed ta telephone.

 Mattanga-vulan i nappasa, magatende ngana ta study na kongregasion ta diadda si Tyrone anna Edith. Megafu ta awan tu Internet da, telephone ngana laman i usadda tapenu mak-connect. Ngatta naginteres si Edith?

 Habang mab-Bible study si Tyrone, magigginna da Ed anna Jennie nga uuffunan ni Edith si Tyrone ta panabbag na anna ta pagaleg tu teksto ira ta Biblia. Ngem adde laman ta kunnari i kukukuan ni Edith. Kagian ni Jennie, “Maginnà ta ngaral na nga malungkut yayya, ngem ari mi nga ammu ni Ed nu ngatta.”

 Egga i tiempo nga kayà talaga nga kibbidan ni Jennie si Edith. Yatutta tinaymingan na yatun tapus ina na labbi i telefono kani Ed. Kinagi ni Jennie: “Tyrone, magigginnà i boses na misis mu. Nu okay laman nisa, egga nakuan i ipabibbig ku nga teksto onu maginnà nakuan nu anni gapa i makagi na.”

 Ari labbi nga nattattannug si Edith. Tapus kunnaw i kinagi na: “Nabayag takamu ngana nga kayà nga kibbidan. Saksi ni Jehova ngà. Kuarenta dagun ngà ngana nga inactive.”

 Megafu ta nikakaddag ni Jennie tatun, kinagi na, “Mawwagi itta vu!” tapus siminangi ira dua.

 Ari nabbayag, niddan ni Ed si Edith tu brosiur nga Manumbalik Ka kay Jehova. Ta tumunug ira nga ligguan, napansin da Ed anna Jennie nga egga i makasta nga nangulian ni Edith. Istorian ni Ed: “Dati bi, maginnam ta boses na nga malungkut yayya. Ngem sangawe, masaya ngana yayya.” Napprogreso ta espiritual si Edith anna sangawe, magayayya ngana uli yayya nga ilayyagayya i mapia nga dumug. Turi ta Hulio 2022, na-baptize i atawa na anna nabbalin tu Saksi ni Jehova.

 Kada manono ni Ed i dati nga mataga-tageno na ta pat-telephone witnessing, manono na gapa i nabbidadda ni Tyrone. Kabalin na gare nga nibibbig kani Tyrone i Juan 6:44 tapus nipakanawag na nga iyaranni ni Jehova i totolay ta kinakurug, minanugu tatun si Tyrone. Tapus kunnaw paga i kinagi na: “Iinnaggakku i tawag nu.” Magayayya gapa si Jennie megafu ta nigutu-gutu da na atawa na i mat-telephone witnessing maski nu maggudu-gudu ira. Kagian na, “Bendisionan ni Jehova i kunnatun ira nga pangikagumattam.”