Mangurug Kari i Saksi ira ni Jehova ta Creationism?
Ari. Mangurug i Saksi ira ni Jehova nga pinaratu na Dios i ngamin. Ngem ari kami umanugu ta creationism. Ngatta? Megafu ta mekontra ta Biblia i karuan nga kurugan na creationist ira. Ikonsidera i dua nga angngarigan:
I kanaddu na annam nga aggaw nga pamaratu. Kagian na creationist ira nga naparatu i davvun ta unag na annam nga aggaw nga sinaggi-24 oras laman. Ngem ta Biblia, tumukoy i uvovug nga “aggaw” ta madduruma nga kanaddu na tiempo.—Genesis 2:4; Salmo 90:4.
I dagun na davvun. Ituddu na creationist ira nga piga rivu laman nga dagun i davvun. Ngem segun ta Biblia, nige paga na annam nga aggaw na pamaratu, egga ngana i davvun anna uniberso. (Genesis 1:1) Megafu tatun, ari kontran na Saksi ira ni Jehova i research na sientista ira nga piga billion ngana nga dagun i davvun.
Mangurug i Saksi ira ni Jehova ta pamaratu, anna ariadda gapa kanayun kontran i siensia. Mangurug kami nga suportan na kurug nga siensia i Biblia.
Baka Kaya Mu Gapa i
TABBAG TA PAKKIAVU IRA TA BIBLIA
Suportan Kari na Siensia i Biblia?
Kanayun kari nga fustu i kagian na Biblia meyannung ta siensia?
NABALOR IRA NGA TUTTUDDU TA BIBLIA
Naparatu Kari i Uniberso?
Ari nga malippawa na aru nga totolay i kagian na Biblia meyannung ta pamaratu anna kakkagiadda paga lagu nga pinadda-padday laman nga istoria yatun. Kurug kari i kagian na Biblia?
MEYANNUNG NIKAMI
Mar-request tu Egga Mabbisita Nikaw
Pabbidan i tadday nga pakkiavu meyannung ta Biblia, onu mas paga nga ammuan i meyannung ta Saksi ira ni Jehova.