Cristiano Kari i Saksi ira ni Jehova?
Wan. Cristiano kami megafu ta tumunug ira nga rason:
Kuammi i adde na mawayyami nga tuttulan i tuttuddu anna kualidad ira ni Jesu-Cristo.—1 Pedro 2:21.
Mangurug kami nga si Jesus i dalan na kepaliagan, nga “awan ngana tu tanakuan nga ngagan ta interu mundo nga niyawa na Dios tu makapaliag nittam.”—Kingngua 4:12.
Nu mabbalin tu Saksi ni Jehova i tadday nga tolay, mabawtisowan yaya ta ngagan ni Jesus.—Mateo 28:18, 19.
Ipadalammi kani Jesus i dasalmi ira.—Juan 15:16.
Mangurug kami nga si Jesus i Ulu, onu i tadday nga napili nga egga i autoridadna, ta kada tolay.—1 Corinto 11:3.
Ngem aru i nerumammi ta tanakuan ira nga relihioso nga grupo nga magalan tu Cristiano. Angngariganna, mangurug kami nga ituddu na Biblia nga Ana na Dios si Jesus, ari tu parte na Trinidad. (Marcos 12:29) Ariammi mangurug nga imortal i kararua, nga egga i mabibbig ta Katurakan nga parigatan na Dios i totolay ta infiernu, onu danuri mangiyorollu ta relihioso ira nga aktibidad ay egga nakuan i tituloda nga mangiyatannang nira ta tanakuan.—Eclesiastes 9:5; Ezekiel 18:4; Mateo 23:8-10.
Baka Kaya Mu Gapa i
GAGANGAY IRA NGA PAKKIAVU
Mangurug Kari i Saksi ira ni Jehova Kani Jesus?
Ammuan nu ngatta importante i pangurug kani Jesus para ta kurug ira nga Cristiano.
TABBAG TA PAKKIAVU IRA TA BIBLIA
Si Jesus Kari i Makapangngua-sa-Ngamin nga Dios?
Anni i kagian ni Jesus meyannung ta relasion na ta Dios?
MEYANNUNG NIKAMI
Ngatta Gigiammuammu i Biblia?—Full Length
Tabbagan na Biblia i importante ira nga pakkiavu ta pattolay na minillion ta interu mundo. Kayà mu kari gapa nga matabbag i pakkiavu mu?
MEYANNUNG NIKAMI
Mar-request tu Egga Mabbisita Nikaw
Pabbidan i tadday nga pakkiavu meyannung ta Biblia, onu mas paga nga ammuan i meyannung ta Saksi ira ni Jehova.