Mangiyofer nikaw i Saksi ira ni Jehova tu paggigiammu ta tuttuddu ira na Biblia. Moffunan naka naw nga:

•   Mapeggan tu magayayya nga pattolay

•   Mabbalin tu kofun na Dios

•   Magigiammu i promesa ira na Biblia ta mappange

Taw nga artikulo

•  Kunnasi i paggigiammu tu Biblia?

•  Egga kari mapagan ta pab-Bible study?

•  Kunnasi kabayag i paggigiammu?

•  Kunnasì pegafuanan i pab-Bible study?

•  Awayyà kari purueban labbi i pab-Bible study?

•  Nu alawatakku i pab-Bible study, fersaddà kari nga mabbalin tu Saksi ni Jehova?

•  Awayyà kari usan i sarilì nga Biblia?

•  Awayyà kari nga imbitan i tanakuan ta pab-Bible study?

•  Kunnasi nu dati ngà ngana nga nappa-Bible study ta Saksi ira ni Jehova? Awayyà kari uli i mappa-Bible study?

•  Egga kari i opsion na pab-Bible study nga awan tu manuddu niakan?

 Egga i manguffun nikaw nga gigiammuan i Biblia ta kada topiko. Gukaban na libru nga Magayayya nga Mattolay tu Mannanayun! sisinu nga magigiammum i mensahe na Biblia anna nu kunnasi naka moffunan. Tapenu ammuan i mas aru paga, girawan yaw nga video.

 Awan. Tuttulan na Saksi ira ni Jehova i bilin ni Jesus ta disipulos na nga: “Inalawa nu yaw nga pakawayya nga awan tu paga; yatun tu kuan nu gapa danaw tu ari nga kapagan.” (Mateo 10:8) Ari gapa mapagan i meyusa taw nga paggigiammu, nelavu taw i kopia na Biblia anna i publikasion nga Magayayya nga Mattolay tu Mannanayun!

 Egga i 60 nga leksion na libru. Sikaw i maddesision nu kunnasi i karu na gigiammuammu. Ngem kayà na aru nga Bible study nga gigiammuan i tadday onu mas aru paga nga leksion kada ligguan.

1.  1. I-fill out i online form. Usammi i personal nga informasiommu tapenu laman meproseso i request mu nga kontakan naka na tadday nga Saksi ni Jehova.

2.  2. Kontakan naka na manuddu nikaw. Ipakanawag na i kuan nu ta pab-Bible study nu anna tabbagan na i pakkiavu mu ira.

3.  3. Planowan nu na manuddu nikaw i paggigiammu nu. Awayya nu i mab-Bible study tu personal onu gukaban na telefono, video call, tura, onu email. Magadde ta tangoras i kada sesion. Ngem awayya na nga mapa-ababba onu mapa-apaddu depende ta iskediul nu.

 Wan. Tapenu makua yaw, i-fill out i online form. Nu kontakan naka na manuddu nikaw, ikagim nisa nga ikaya mu nga purueban labbi i pab-Bible study tapenu masingan nu magustuammu. Usan na i brosiur nga Magayayya nga Mattolay tu Mannanayun! nga egga i tallu nga leksion na tapenu masingan nu magustuammu i pab-Bible study.

 Ari. Kakayà na Saksi ira ni Jehova nga tudduan i totolay meyannung ta Biblia. Ngem ariammi nga fersan i maski sinni nga mabbalin tu Saksi, nu ari, marespeto nga ituddu mi i kagian na Biblia anna ammu mi nga desision na tadday nu anni i pilian na nga kurugan.—1 Pedro 3:15, 16.

 Wan. Awayyam nga usan i maski anni nga translation na Biblia nga kayà mu. Kakayà mi nga usan i manawag anna fustu nga New World Translation of the Holy Scriptures, ngem ammu mi nga mas kayà nga usan na aru nga totolay i translation nga egga nira.

 Wan. Awayyam nga imbitan i interu familiam onu kokkofummu ira.

 Wan. Kakurugan na, awayya na nga mas ma-enjoy mu i pab-Bible study sangawe anne tagga megafu ta nebagay yaw ta pakawagan na totolay ta maddagun. Mas aru i letratu anna i video na kumpara ta dati nga pab-Bible study.

 Wan. Maski nu kayà na aru i maggigiammu nga egga manuddu nira, kayà na karuan i maggigiammu labbi ta sarili da. Masingan ta Pantulong sa Pag-aaral ng Bibliya nga pahina i tool anna referensia ira nga makoffun ta paggigiammum tu Biblia. Yaw i karuan tatun:

•   Tuttuddu na Biblia. Mangiyawa yaw ira nga artikulo tu makoffun nga prinsipio ira na Biblia nga meyaplika ta kadaggaw nga pattolay kagitta na “I Kuammu nu Ma-stress Ka,” anna “Kunnasi nga Tudduan i Ana.”

•   Video. Mepakanawag taw ira nga video i importante ira nga tuttuddu ta Biblia.

•   Tabbag ta Pakkiavu ira ta Biblia. Tabbagan na artikulo ira i aru nga pakkiavu meyannung ta Biblia.

•   Paliwanag sa mga Teksto sa Bibliya. Ammuan i kebalinan na teksto anna uvovug ira ta Biblia.