Wan. Mangurug kami kani Jesus nga nakkagi: “Sakan i dalan, i kurug anna inango. Awan tu makangay ta Yama nu ari labbi nga umay niakan.” (Juan 14:6) Mangurug kami nga naggafu si Jesus ta langi anna minay ta davvun tapus niyawana i perfekto nga inangona tapenu mesakrifisio nga tavvu. (Mateo 20:28) Megafu ta patay anna paginnolena, posible i mannanayun nga inango turi ta mangurug sa. (Juan 3:16) Kurugammi gapa nga maddaggun ngana nga mammaguray si Jesus bilang Patul na nelangitan nga Pappatulan na Dios, nga aranni ngana nga mangirattal tu imammo ta interu davvun. (Nepakannammu 11:15) Ngem, mangurug kami ta kinagi ni Jesus: “Mas atannang i paddian na [Yama] anne niakan.” (Juan 14:28) Yatutta ariammi dayawan si Jesus bilang Dios, megafu ta ariammi mangurug nga yaya i Makapangngua ta ngamin nga Dios.