Inakusadda tagga si Jesus nga kagian na kanu nga kaparehu yayya na Dios. (Juan 5:18; 10:30-33) Ngem ari vuluvuga nga kinagi ni Jesus nga parehu ira na Makapangngua-sa-Ngamin nga Dios. Kinagi na: “Mas atannang i paddian na [Yama] anne niakan.”​—Juan 14:28.

 Ari vuluvuga nga ninono na tagatuttul tagga ni Jesus nga kaparehu na i Makapangngua-sa-Ngamin nga Dios. Angngarigan na, nitura ni apostol Pablo nga ta kabalin nga napaginnolay si Jesus, “niddan na Dios yaya ta katannangan nga kekakua.” Manawag nga ammu ni Pablo nga ari tu si Jesus i Makapangngua-sa-Ngamin nga Dios. Nu si Jesus i Makapangngua-sa-Ngamin nga Dios, kunnasi yayya nga niddan na Dios tu katannangan nga kekakua?​—Filipos 2:9.