Alɛwa ku alɔ gē bi u JW Library^® le ya otutu ku aōjila ku alɔ, ó klla gē he alɔ ɔtu nɛhi ɛgɛ nōó gē bi alɔ gā Ɔda Ō Gbaajɛ nɛ alɔ gē klɔcɛ a. Igbalɛwa, Ɔda Ō Gbaajɛ nɛ alɔ gē klɔcɛ ipu ōjila a gē lɛ aikpɛyi ɛlā ɔhá nōo yɔ ɛhaajɛ ku nu nɛ alɔ lɔfu nwu ɛlā ocɛgbá ŋma anu. Ɛgɛnyá nɛ a lɔfu má aikpɛyi ɛlā nyā klla lɛ itene ŋma uwa, ɔdaŋ ku a yɔ i bi u JW Library le yuklɔ a?

• Oŋmɛyi ku ikpɛyi ɛlā oklɔcɛ ku Ɔda Ō Gbaajɛ doodu, ó lɛ ikpɛyi ɛlā nɛ́ŋcɛ́ nōo wɛ u “Additional Reading.” Ɛhaajɛ ku ikpɛyi ɛlā ɔɔma, lɛ abɔ da ulink nōo ka u “Other articles in this issue.” Leyi yɛ aikpɛyi ɛyɛɛyɛyi nōo yɔ anu a, a géē má ikpɛyi ɛlā mla inɔŋba ku eyeeye ku aikpɛyi ɛlā a. Lɛ abɔ da ikpɛyi ɛlā nōo yɔ ɛhaajɛ ku nu nɛ a géē dɔka ō jé a.

• Ipu aya ku Home tab ipu JW Library aya nōo ka u “What’s New” a, lɛ eyeeye ku Ɔda Ō Gbaajɛ ɛpɛpɛ a danlod eko duuma nōó le bɛɛcɛ. Lɛ ɛ̄nɛ̄ a danlod a nwula cɛɛ ku a lɛ aikpɛyi ɛlā a jila, o ya ɛɛ ku a má ɛgɛ nɛ a lɔfu lɛ itene ŋma ikpɛyi ɛlā oklɔcɛ ɔɔma a.