Aɛ́nɛ́ mla aadā lɛ uklɔ nɛhi ō nwu ayipɛ ɔlɛ uwa ɛlā lɛyikwu Ujehofa. (Āfi. 6:4) Ɔwa ku Ujehofa ya alɛwa ku aikpɛyi ɛlā, auvidio, mla aijé o ya ɛɛ kóō ta aɛ́nɛ́ mla aadā abɔ. Ɛgɛnyá nɛ a lɔfu bi uwa le nwu ayipɛ ɔlɛ uwɔ ɛlā a?

• Nyɔ gā ipu jw.org. Ipu jw.org, a géē má ɛjɛɛji ɔdā néē ya lɛ ayipɛ nɛ̄ŋcɛ́, bɛɛka uvidio mla ɛga néē lɔfu ta odee ta ɔ amāŋ ɛga néē lɔfu ya udrawing. a O ya ɛɛ ku a má aɔdā nōo ba nyā, nyɔ gā aya nōo ka u “Children” amāŋ “Teenagers” ɛga néē gē bi le dɔka odee a.

• Ɛlā néē ta ɛhaajɛ aya nōo ka u “Children” a, lɔfu ta uwɔ abɔ ō fu aya nōo géē ta ayipɛ ɔlɛ uwɔ abɔ. A lɔfu má aya ɛyɛɛyɛyi nyá tɔha ɛhaajɛ aya nōo ka u “Family Worship Projects” a.

• Lɛ eko taajɛ ō kɔka lɛyikwu aɔdā nōo ba nyā mla ayipɛ ɔlɛ uwɔ. A hii habɔ ɔyi uwɔ a ta foofunu yɔ i má auvidio a amāŋ ō ta aɛlā nōó nwu a taajɛ o ya ɛɛ kóō lɛ abɔ bi odee yɔ i ya a ŋ. Ikɔkɔ ɔɔma, kɔka ŋma anu mla ɔyipɛ ɔlɛ uwɔ a cɛɛ ku a ta ɔ abɔ o ya ɛɛ kóō lɛ ɛma olɔfu mla Ujehofa.