Ɛjɛɛji alɔ i gē lɛ eko nwune nɛ alɔ cɛgbá ō le ya oklɔcɛ ku abɔyi alɔ ŋ. Ɛgɛnyá nɛ alɔ lɔfu bi eko nɛ alɔ lɛ a le yuklɔ ɔwɛ nōo lɔhi fiyɛ duu a? Aflɛyi, lɛ eko taajɛ lɛ ɛlā nɛ a gáā jé a lɔɔlɔhi. A géē lɛ itene nɛhi ɔdaŋ ku a le eko taajɛ jé aɛlā ligii lɔɔlɔhi ikɔkɔ ō ŋwuleyikwu jé aɛlā alɛwa mla eko ligii a.

Oŋma ɔɔma, lɛ ɛlā nɛ a cika ō klɔcɛ aflɛyi a miya. (Āfi. 5:15, 16) Má aɔdā ōhī nɛ a lɔfu ya a:

• Bēē jé Ubáyíbu ɛ̄cī doodu. (Aíjē 1:2) Ó géē lɔhi nɛhi ɔdaŋ ku a gbɔɔ mla ō jé aɛga ku Ubáyíbu nɛ alɔ cɛgbá ō jé ipu ōjila ku ɔtahɛ ku alaadi doodu a.

• Lɛ otutu ku ikpɛyi ɛlā ku Ɔda Ō Gbaajɛ ku alaadi ɔɔma mla ɔkpá ku ōjila ku ɔtahɛ ku alaadi a ya taajɛ. Ceyitikwu ku a lɛ otutu ya lɔɔlɔhi o ya ɛɛ ku a lɔfu toohi.—Aíjē 22:22.

• Koōcō ceyitikwu ku a klla jé mla ō má aɛlā ɔhá nōo wɛ ɔdole ku ɛlā Ɔwɔico bɛɛka ō jé aɔkpá ku alɔ nɛ alɔ gē je lɛ ācɛ, ō má auvidio ku alɔ, mla aɛlā ɛyɛɛyɛyi ɔhá nōo gē bɛɛcɛ ipu jw.org a.

• Jila ɛlā má lɛyikwu ikpɛyi ɛlā nōo he uwɔ ɔtu fiyɛ duu a. A lɔfu jila ɛlā má lɛyikwu unwalu nɛ a yɔ i má, ɔka nɛ a lɛ, amāŋ ikpɛyi ɛlā éyi ŋma ipu Ubáyíbu nɛ a géē dɔka ō jé odee lɛyikwu ɔ lɔɔlɔhi fiyɛ a. O ya ɛɛ ku a lɔfu ya ɛnyā, nyɔ gā aya ku “Bible Study Activities” nōo yɔ ipu jw.org a.