Ó géē he uwɔ ɔtu ō nwu aɛlā alɛwa ŋma oklɔcɛ ku abɔyi uwɔ? Aɛlā nōo ba nyā lɔfu ta uwɔ abɔ ō lɛ ɔtu ku uwɔ tu ɔdā nɛ a yɔ i klɔcɛ a lɔɔlɔhi:

• Fu ɛga olɔhi a. Ceyitikwu ku a dɔka ɛga nōo le yeŋee nɛ ɔlá klla yɔ o ya ɛɛ ku a lɔfu mɛɛbɛ lɔɔlɔhi. A lɔfu yaajɛ ɛyi ɔcí amāŋ utebulu, amāŋ a lɔfu fu ɛga duuma eyiyɛcɛ nōo lɔhi gā uwɔ.

• Dɔka ɛga nɛ a lɔfu yɔ ofoofu uwɔ. Ujisɔsi miya ō gbɔɔkɔ “ofúlɔ̄cī blibli” “ɛga nɛ̄ ó yɔ̄ ōfūnū.” (Umák. 1:35) Ɔdaŋ nōó gáā tɔɔtɛ ō yɔ ofoofu uwɔ ŋ, ya ku ācɛ apɔlɛ ku uwɔ amāŋ ācɛ nɛ a lā mla uwa a kéē jé eko nɛ a dɔka ō klɔcɛ a, ku a klla gbɔɔkɔ lɛ uwa ka é hii junwalu gā uwɔ ɛpleeko ɔɔma ŋ.

• Lɛ ɔtu ku uwɔ tu ɔdā nɛ a yɔ i klɔcɛ a. A hii cɛ lɛ ɔdā duuma je uwɔ ɛlá ŋ. Ɔdaŋ ku a gē bi ɔdā ō le gwo uwaya amāŋ ukɔmputa le klɔcɛ, ceyitikwu ku a lɛ ɔ tuya ɔwɛ nōó gáā junwalu gā uwɔ ŋ. Ɔdaŋ nɛ a kē gbɛla lɛyikwu odee nɛ a géē dɔka ō ya eko nɛ a yɔ i klɔcɛ, lɛ ɔ ta taajɛ o ya ɛɛ ku a je mlanyi ō ya ɔ igbihaajɛ ŋ, cɛɛ ku a gɔbu mla oklɔcɛ a. Ɔdaŋ ka ó yɔ i lɔnɔ tu uwɔ ō lɛ ɔtu ku uwɔ tu ɔdā nɛ a yɔ i klɔcɛ a, je eko ligii ku a yiyawu amāŋ na iyē dāā.