Á jé ŋ, bɛɛka alɛwa ku alɔ a, ó gē tɔɔtɛ gā uwɔ ō blakwu ɛlā nɛ a klɔcɛ a ŋ. Amáŋ ó gē tɔɔtɛ lɛ alɔ ō blakwu aɛlā alɛwa nɛ Ujisɔsi nwu a, ohigbu ka igbalɛwa ó gē bi aciije le yuklɔ. Alɔ lɔfu gbɛla tu ɛlā nɛ Ujisɔsi yɔ i nwu a ipu ɔtu ku alɔ, ɔɔma kē i ta alɔ abɔ ō blakwu ɛlā nɛ ó nwu a. Ɔwɛ ekponu ɔɔma, a lɔfu blakwu ɛlā alɛwa nɛ a klɔcɛ a eko duuma nɛ a ceyitikwu ō gbɛla lɛyikwu ɛlā nɛ a klɔcɛ a. Ɔdi wɛ ɔwɛ éyi nɛ a lɔfu bi le ya ɔɔma a? Oŋma lɛ ō ya udrɔyin ku aɛlā nɛ a nwu a.

Igbalɛwa, ācɛ nōo gē ya udrɔyin ku aɛlā ɛpɛpɛ néē nwu a gē blakwu uwa fiyɛ. Ō ya udrɔyin ku aɛlā néē nwu a i gē ta uwa abɔ ō jɛyi ku ɛlā a fiyɛ foofunu ŋ, amáŋ ō blakwu ɔdā nōo wɛ ɔcɛla okpɔcii ku ɛlā néē nwu a. Audrɔyin a i wɛ ɔdā nōo lɔnɔ ŋ, amāŋ ɔdā nōo tɔɔtɛ ō jɛyi nu. Udrɔyin klla gē ta ācɛ nōo le hilokplici ɛ ma abɔ fiyɛ kéē blakwu aɛlā néē nwu a.

Ɔdaŋ ku a yɔ i klɔcɛ eko ɔhá, a lɔfu ceyitikwu ō ya udrɔyin ku aɛlā nɛ a nwu a. Ó géē hɛ uwɔ idaago nɛhi ku aɛlā alɛwa nɛ a géē blakwu uwa a!