OKLƆCƐ ƆMƐ 17
Ō Kɛla Kóō Ta Ācɛ Eyī Peee
1 Ācɛ Ukɔ́rīnti 14:9
ƆDĀ NƐ A CIKA Ō YA: Ta ācɛ nɛ a yɔ i kɛla lɛ uwa abɔ kéē jɛyi ɛlā nɛ a yɔ i ka a.
ƐGƐ NƐ A GÉĒ YA Ɔ A:
-
Ya oklɔcɛ ku aɔdā nɛ a gáā bi le ya ɛlā ō ka tɛɛcɛ a lɔɔlɔhi. Ikpɛyi ɛlā a cika ō ta uwɔ eyī peee lɔɔlɔhi, o ya ɛɛ kóō tɔɔtɛ gā uwɔ ō lɛ ɔ ta ācɛ a eyī peee mɛmla ō ka ɔ ɔwɛ ɛgɛ nɛ a jɛyi nu a.
-
Ɛlā nɛ a gáā ka a kóō le kpii kpii, kóō klla tɔɔtɛ ō jɛyi nu. Naana nɛ ɛlā ō ka nwune i bɔbi ŋ ma, bi aɛlā nōo le kpii kpii le mafu aɛlā okpɔcii ku uwɔ.
-
Lɛ aɛlā nɛ ācɛ i jé ŋ ma ta uwa eyī peee. Ɔdaŋ ka ó tɔɔtɛ, a hii kɛla nɛ a ācɛ i jé ŋ. Ɔdaŋ ka ó cɛgbá ku a kɛla lɛyikwu ɛlā nɛ ācɛ i jé ŋ, ɔcɛ éyi ipu Ubáyíbu, ɔdā néē gē bi le miya odee eko ku igble amāŋ uculo ku ikee, lɛ ɔ ya kóō teyi peee.