OKLƆCƐ ƆMƐ 19
Ya ku Ɛlā a Kóō Lɛ Abɔ Kwu Ɔtu
Aíita 3:1
ƆDĀ NƐ A CIKA Ō YA: Ta ācɛ nɛ a yɔ i kɛla lɛ uwa a abɔ kéē má itene ku ɛlā néē yɔ i nwu a, o ya ɛɛ kéē bi ɔ le yuklɔ.
ƐGƐ NƐ A GÉĒ YA Ɔ A:
-
Ta ācɛ nɛ a yɔ i kɛla lɛ uwa a abɔ kéē lɛ iyi uwa jila ma. Da ācɛ nɛ a yɔ i kɛla lɛ uwa a ɔ̄kā néē jé ohi ku nu abɔyi uwa, nōo géē ta uwa abɔ kéē lɛ ɔdā nōo yɔ ipu ɔtu ku uwa a jila ma.
-
Ta uwa ɔtu kwu ɔtu. Da ācɛ nɛ a yɔ i kɛla lɛ uwa a kéē gbɛla kwu ɔdā nōo ya ɛɛ néē gē ya ɔdā olɔhi a. Ta uwa abɔ kéē lɛ ɔtu ō ya ɔdā olɔhi nōo fiyɛ duu, ohigbu ihɔtu néē lɛ lɛ Ujehofa, lɛ ācɛ ɔhá mla aɛlā nɛ Ubáyíbu gē nwu a. Ta ācɛ nɛ a yɔ i kɛla lɛ uwa a abɔ kéē má ijeeyi nōo yɔ ipu ɛlā nɛ Ubáyíbu ka a. A hii kɛla lɛ uwa bɛɛka a wɛ ɔkpani ku uwa ŋ. Ikɔkɔ nɛ a géē ya ku uweyi kóō kwu uwa a, a cika ō ya kéē lɛ ɔtu ō tu kwu ɔtu ŋma ɛlā ō ka tɛɛcɛ ku uwɔ, ɔwɛ nōo géē cɛ lɛ uwa ya ɔdā nōo wɛ ofiyɛ duu ku uwa.
-
Ta uwa ɛlá kwu Ujehofa. Mafu ɛgɛ nɛ ɛlā ō nwu, ukɔ́ mla ɔ́da ku Ubáyíbu, gē mafu uce ō ya ku Ɔwɔico mla ihɔtu nōó lɛ lɛ alɔ a. Ya kóō he ācɛ nɛ a yɔ i kɛla lɛ uwa ɔtu ō má ɛlā ɔwɛ nɛ Ujehofa gē má ɛlā mla ō ya ɔdā nɛ Ujehofa dɔka a.
