OKLƆCƐ ƆMƐ 4
Ō Jé Ubáyíbu Eko Okpaakpa
Umátiyu 22:41-45
ƆDĀ NƐ A CIKA Ō YA: Lɛ ɔtu ku ācɛ nɛ a yɔ i kɛla lɛ uwa a tutu taajɛ gbɔbu ɛɛ ku a gbɔɔ ō jé ɛga ku Ubáyíbu duuma.
ƐGƐ NƐ A GÉĒ YA Ɔ A:
-
Gbɛla kwu ɔdā nōo ya ɛɛ nɛ a yɔ i jé ɛga ku Ubáyíbu ɔɔma. Ɛlā nɛ a gáā ka gbɔbu ɛɛ ku a jé Ubáyíbu a, kóō ta ācɛ nɛ a yɔ i kɛla lɛ uwa a abɔ jé ɛlā ɔkpɔcii nɛ a dɔka kéē jé ŋma ipu nu a.
-
Mafu ku Ubáyíbu wɛ íkwu ku ɛlā ku uwɔ a. Ɔdaŋ ku a yɔ i kɛla lɛ ācɛ nōo kpɔtuce Ɔwɔico, tu uwa ɛlá kwu Ubáyíbu nōo wɛ Ɛlā ku Ɔwɔico a, ɛnyā géē mafu lɛ uwa ku ɛlā nɛ a yɔ i nwu a wɛ ɛlā ku Ɔwɔico.
-
Ya ku ɛga ku Ubáyíbu nɛ a gáā jé a kóō ŋmo unwu. Lɛ ɔka éyi da, nɛ a jé ku ɛga ku Ubáyíbu ɔɔma géē cila, kɛlā lɛyikwu ɛlā éyi nōo gē gbaji tu ācɛ nɛ Ubáyíbu je teyi peee, amāŋ kɛla lɛyikwu ukɔ́ ku Ubáyíbu nōo géē ta uwa abɔ jɛyi ɛlā a.
