Ō Lɛ Ɛ̄gbā Ō Gba Ku Ɔkwɛyi Mla Ɛkɛmgbɛ Piyatɔha
Ɛjɛɛji ɔwɛ ō gba ɛ̄gbā gē gba Ɔwɔico ekponu ɛ̄gbā a?
Ɔdaŋ ku aɔwɛ ō gba ɛ̄gbā gē nwu ɔdā ɛyɛɛyɛyi naana, Ubáyíbu nwu ka Ujehofa gē miyɛ ɛjɛɛji uwa nɛɛ?
Umát. 7:13, 14; Ujɔ́n. 17:3; Āfi. 4:4-6
-
Aocabɔ ku Ubáyíbu nōo lɔfu ta uwɔ abɔ:
-
Ujós. 24:15—Ujossuwa ka peee ku alɔ géē miya ɔdaŋ ku alɔ géē gba Ujehofa ɛ̄gbā amāŋ aɔwɔ ɔhá
-
1 Aɔ́cɛ́ 18:19-40—Ujehofa bi ɔcomɛɛbɛ Ɛlayija le mafu lɛ ācɛ nōo gē gba ɔ ɛ̄gbā a kéē cika ō wɛ ipu ɛ̄gbā ō gba ku ɔwɔ ɔhá duuma ŋ, ɔwɔ bɛɛka Ubaalu a
-
Ɛgɛnyá nɛ ɔtu gē ya Ujehofa lɛyikwu aɔwɔ ku aéwo mla ɛ̄gbā ō gba duuma néē gē je lɛ uwa a?
Ɛgɛnyá nɛ ɔtu gē ya Ujehofa eko duuma nɛ ācɛ yɔ i gba ɔ ɛ̄gbā, amáŋ é yɔ i ya ɔdā nōo gē wu ɔ ɔtu ipu ɛ̄gbā ō gba ku uwa a?
Ayis. 1:13-15; 1 Ukɔ́r. 10:20-22; 2 Ukɔ́r. 6:14, 15, 17
-
Aocabɔ ku Ubáyíbu nōo lɔfu ta uwɔ abɔ:
-
Oyɛb. 32:1-10—Ujehofa le cɔnu nɛɛnɛhi eko nɛ Arɔni ma ojibo ku ɛna ku ācɛ Isrɛlu kéē bi le gba ɔ ɛ̄gbā a, naana nɛ ācɛ a ku aa yɔ i bi ɔwɛ nyā le ya ucɛ kla ɛcɛ lɛ Ujehofa a
-
1 Aɔ́cɛ́ 12:26-30—Ɔcɛ́ Ujerobowam i dɔka ku ācɛ a kéē nyɔ gā Ujerusalɛm gáā gba Ujehofa ɛ̄gbā ŋ. Ohigbu ɛnyā, ó lɛ ojibo ma klla da ācɛ a ka ojibo a kwɛyi Ujehofa, amáŋ ɛnyā kē ya ku ācɛ a kéē biya íne
-
Ɛgɛnyá nɛ Ujehofa nwu ācɛ ku Isrɛlu kéē cika ō lɛ iyi uwa fo ɛyɛɛyi ŋma ɛgiyi ācɛ nōo gē gba aɔwɔ ɔhá ɛ̄gbā a?
Ɔdi nɛ Ujehofa ya eko nɛ ācɛ ɔlɛ nu gba aɔwɔ ɔhá ɛ̄gbā a?
Ācoh. 10:6, 7; Aíjē 106:35-40; Ujɛr. 44:2, 3
-
Aocabɔ ku Ubáyíbu nōo lɔfu ta uwɔ abɔ:
-
1 Aɔ́cɛ́ 11:1-9—Anya nɛ Ɔcɛ́ Usolomɔn lɛ ŋma éwo ɔhá a ya kóō gba ɔwɔ ɔhá ɛ̄gbā, ɛnyā kē ya ku ācɛ ɔhá kéē ya lɛ a duu. Ɔdā néē ya nyā ya Ujehofa cɔnu nɛhi
-
Aíjē 78:40, 41, 55-62—Asafu kɛla lɛyikwu ɛgɛ nɛ ācɛ Isrɛlu ya ikpɛyi olɔfu klla gba ɔwɔ ɔhá ɛ̄gbā, ɛnyā kwu Ujehofa iyē nɛhi nōo ya kóō ta ācɛ ɔlɛ nu
-
Ujisɔsi cɛ mla ɛlā ō nwu ku aɔwɛ ō gba ɛ̄gbā nōó cɛtɔha mla Ɛlā ku Ɔwɔico ŋ?
-
Aocabɔ ku Ubáyíbu nōo lɔfu ta uwɔ abɔ:
-
Umát. 16:6, 12—Ujisɔsi lɛ ɛlā ō nwu ku ācɛ Ufarisii mla Usadusiis gbla ɔdonigbo ohigbu ku ɛlā ō nwu ɛkɛmgbɛ gē nyila fiya fiya klla gē biya ɛlā ō nwu ɔkwɛyi nōo yɔ ipu Ɛlā Ku Ɔwɔico a
-
Umát. 23:5-7, 23-33 NWT-E—Ujisɔsi ŋmo aitica ku íne mla ācɛ Ufarasii ɛpɔbi nɛɛnɛhi ohigbu uce ku ɔcɛ ō leyi ɛpa néē gē ya a mla ɛlā ɛkɛmgbɛ néē gē nwu a
-
Umák. 7:5-9—Ujisɔsi lɛ ɔkwu ku aitica ku íne mla ācɛ Ufarasii ca tɛɛcɛ, ohigbu kéē gē lɛ ojilima ce ɔdā ō jé ku alɛɛcɛ fiyɛ Ɛlā ku Ɔwɔico
-
Ujisɔsi dɔka ku ācɛ nōo gē yɛce ɔ a kéē le kɔ igwiigwu gā ɔwɛ ō gba ɛ̄gbā ɛyɛɛyɛyi nɛɛ?
-
Aocabɔ ku Ubáyíbu nōo lɔfu ta uwɔ abɔ:
-
Ujɔ́n. 15:4, 5—Ujisɔsi bi ɔcí Ufayin le mafu ɔdā nōo ya ɛɛ nɛ ācɛ nōo gē yɛce ɔ a cika ō gɔbu yɔ i piyatɔha mla ɔ mla Ācɛ O Yɛce Ukriast ɔmpa uwa a
-
Ujɔ́n. 17:1, 6, 11, 20-23—Otu amoomɛ nɛ Ujisɔsi ya mla acocɛhɔ ku nu gbɔbu ɛɛ kéē ŋmo ɔ a, Ujisɔsi gbɔɔkɔ ku ācɛ nōo gē yɛce ɔ a kéē piyatɔha ɔkwɔɔkwɛyi
-
Ɛjɛɛji ujɔ ku Ācɛ O Yɛce Ukraist ku eko aflɛyi a kpɔtuce ɔdā ekponu klla gē gba Ujehofa ɛ̄gbā ɔwɛ ekponu nɛɛ?
-
Aocabɔ ku Ubáyíbu nōo lɔfu ta uwɔ abɔ:
-
Ācot. 11:20-23, 25, 26—Aujɔ nōo yɔ Antiyɔku mla Ujerusalɛm a yuklɔ tɔha klla piyatɔha lɔɔlɔhi
-
Uróm 15:25, 26; 2 Ukɔ́r. 8:1-7—Ayinɛ nōo yɔ ipu ujɔ ku Ācɛ O Yɛce Ukraist ku eko aflɛyi a mafu ihɔtu lɛ iyi uwa ŋma lɛ ō ta iyi uwa abɔ eko nɛ āhɔ̄ le lɔnɔ, ɛnyā mafu kéē piyatɔha mla iyi uwa
-
Ɔwɔico gē miyɛ ɛjɛɛji ɔwɛ ō gba ɛ̄gbā nōo ka ku aa kpɔtuce Ujisɔsi nɛɛ?
Ɔdaŋ ku ācɛ i cɛ mla ɛlā ō nwu ku Ukraist mla acocɛhɔ a ŋ, Ɔwɔico géē miyɛ ɛ̄gbā ō gba ku uwa a?
Ācot. 20:29, 30; 1 Utím. 4:1-3
-
Aocabɔ ku Ubáyíbu nōo lɔfu ta uwɔ abɔ:
-
Umát. 13:24-30, 36-43—Ujisɔsi lɛ Ācɛ O Yɛce Ukraist ɛkɛmgbɛ gbla aci, ó klla ka ku Ācɛ O Yɛce Ukraist ɛkɛmgbɛ alɛwa géē yɔ, ku uwa kéē géē miyɛ ujɔ ku Ācɛ O Yɛce Ukraist tabɔ eko kpii
-
1 Ujɔ́n. 2:18, 19—Ɔcocɛhɔ Ujɔni nōo le hilokpliici ɛ ma mafu peee ku ācɛ alɛwa nōo gē bɛyikwu ohɔnyɛta géé bɛɛcɛ lɛɛbɛka ihayi ofu ɛhɔ (100) igbihi néē lɛ Ujisɔsi ma a
-
Ɔdi gáā ya ɔdaŋ kéē jɛga lɛ ācɛ nōo gē nwu ɛlā ɛkɛmgbɛ mla ācɛ nōó gē lɛyitaajɛ lɛ Ukraist ŋ kéē wɛ ipu ujɔ ku Ācɛ O Yɛce Ukraist a?
Ɔdi nɛ Ācɛ O Yɛce Ukraist cika ō ya o ya ɛɛ kéē gɔbu piyatɔha a?
Ɔdiya nɛ Ācɛ O Yɛce Ukraist i cika ō lɛ abɔ ipu ɛ̄gbā ō gba ku ɛkɛmgbɛ ŋ ma?
Ɔdiya nōó wɛ ɔdā okpaakpa klla lɔhi ō ya ku ācɛ kéē le jé lɛyikwu aɛlā ō nwu ku aɔwɛ ō gba ɛ̄gbā nōó le kpaakpa ŋ ma?
Ɔdiya nōó cika ō ya alɔ eyijii ŋ, eko nɛ ācɛ nōo wɛ ipu aɔwɛ ō gba ɛ̄gbā ku ɛkɛmgbɛ nōo gē bɛyikwu ɛ̄gbā ō gba ku ɔkwɛyi a gbɔɔ ō ya unwalu tu alɔ klla gbɔɔ ō ya alɔ ŋmo a?
You May Also Like
LƐYIKWU ALƆ
Dɔka Lɛyikwu Oklɔcɛ Ku Ubáyíbu Ŋma Ɛgiyi Ācɛ Ocijali Ku Ujehofa
Dɔka lɛyikwu oklɔcɛ ku Ubáyíbu, ku a kɔka mla Ācɛ Ocijali Ku Ujehofa amāŋ lɛ ōmiya ku oklɔcɛ ku Ubáyíbu ku alɔ jama.
