Aocabɔ ku Ubáyíbu nōo lɔfu ta uwɔ abɔ:

• 1 Aɔ́cɛ́ 18:​36-38—Eko nɛ ɔcomɛɛbɛ Ɛlayija mla acomɛɛbɛ ku Ubaalu jila ɛyi Ɛfu ku Ukamɛlu, kéē gbɔɔkɔ kéē má ɔcɛ nɛ ɔwɔ ku nu géē cila ɔkɔ ō gba a, Ujehofa cila ɔkɔ ō gba ku Ɛlayija fiya fiya

• Umát. 7:​7-11—Ujisɔsi ta alɔ ɔtu kwu ɔtu ku alɔ gbɔɔkɔ lɛ Ujehofa, ó klla cɛ lɛ alɔ jé peee ka Ujehofa gē jahɔ tu ɔkɔ o gba ku alɔ ohigbu kóō wɛ Adā ku ihɔtu

Aocabɔ ku Ubáyíbu nōo lɔfu ta uwɔ abɔ:

• Ujós. 24:​9, 10—Ujehofa ta ō jahɔ tu ɔkɔ o gba ku Ubalam ohigbu ka ɔdā nɛ ó yɔ i dɔka ŋma ɛgiyi Ɔwɔico a i cɛtɔha mla ococɛ ku nu ŋ

• Ayis. 1:​15-17—Ohigbu ka ācɛ ɔlɛ Ujehofa kwu piya ācɛ ō leyi ɛpa klla lé ɛpɔbi ku ɔcɛ ō ŋmo a, Ujehofa ta ō jahɔ tu ɔkɔ ō gba ku uwa

 Aocabɔ ku Ubáyíbu nōo lɔfu ta uwɔ abɔ:

• 1 Uklɔ. 29:​10-19—Ɔcɛ́ Udefidi gbɔɔkɔ iyɔbu ācɛ ku Isrɛlu eko néē je ɛhi ŋma ipu ɔtu ku uwa kéē bi le gwo agbliihɔ nɛhi a

• Ācot. 1:​12-14—Acocɛhɔ, ayinɛ ku Ujisɔsi, Umeri ɛ́nɛ́ ku Ujisɔsi mla acɛnya ɔhá nōo hayi kpaakpa a yɔ ipu inico éyi ipu Ujerusalɛm yɔ i gbɔɔkɔ tɔha

Aocabɔ ku Ubáyíbu nōo lɔfu ta uwɔ abɔ:

• Udán. 6:​6-10—Udaniyɛlu gɔbu yɔ i gbɔɔkɔ lɛ Ujehofa ɛga nɛ ācɛ lɔfu má ɔ, naana néē lɔfu ŋmo ɔ ohigbu ɔkɔ ō gba a

• Ulúk. 18:​1-8—Ujisɔsi ka aciije ku ɔcohɛpɔ éyi nōo bɔbiipu, amáŋ nōo hɛpɔhi lɛ ɔnyā éyi ohigbu ɛgɛ nɛ ɔnyā a yɔ i gbɔɔkɔ lɛ ɔ igbalɛwa lɛ a. Ɔwɛ ekponu ɔɔma, Adā alɔ nōo yɔ ɔkpanco nōo gē ya ɔdā okpaakpa eko doodu a le tutu ō jahɔ tu ɔkɔ ku otabɔ nɛ alɔ gē gba lɛ ɔ a

Aocabɔ ku Ubáyíbu nōo lɔfu ta uwɔ abɔ:

• 2 Aɔ́cɛ́ 22:​11-13, 18-20—Ujehofa mafu eyinyinyi klla gbonɛnɛ lɛ Ɔcɛ́ Ujosiya ohigbu kóō ta iyi nu waajɛ klla ceyitikwu ō ya ɔdā nōo he Ujehofa ɔtu

• 2 Úklɔ́ 33:​10-13—Ɔcɛ́ Umanase ta iyi nu waajɛ klla ba Ujehofa ɛba kóō kwu je ya ɔ ɛhi. Ujehofa kwu je ya Ɔcɛ́ Umanase ɛhi klla kwu ɔ u piya ɔcɛ́ kpɔ

Aocabɔ ku Ubáyíbu nōo lɔfu ta uwɔ abɔ:

• 1 Aɔ́cɛ́ 3:​11, 12—Ɔtu he Ujehofa ɛgɛ nɛ Ɔcɛ́ Usolomɔn ba ɔ ɛba ku ijeeyi a, ó kē je ijeeyi lɛ ɔ nɛɛnɛhi

Aocabɔ ku Ubáyíbu nōo lɔfu ta uwɔ abɔ:

• Ulúk. 10:21—Ujisɔsi cɛtra Adā nu ipeyi ācɛ, ku ɛgɛ nɛ ó ya ɔ tɔɔtɛ ku ācɛ nōo ta iyi uwa waajɛ bɛɛka ayipɛ nɛ̄ŋcɛ́ a kéē jé ɔkwɛyi a

•  Mafú. 4:​9-11—Aalelekwu otɛhɔ gē je ojilima mla owoofu nōo cika lɛ Ujehofa a lɛ ɔ

Aocabɔ ku Ubáyíbu nōo lɔfu ta uwɔ abɔ:

• 1 Aɔ́cɛ́ 18:​25-29, 36-39—Ɛpleeko nɛ acomɛɛbɛ ku Ubaalu yɔ i gbɔɔkɔ lɛ ɔwɔ ku uwa ohigbu ɛlā nɛ ɔcomɛɛbɛ Ɛlayija da uwa a, é gbɔɔkɔ klla jikwu tɛɛcɛ lɛ ɔwɔ ku uwa awa alɛwa, amáŋ, ó ta uwa ohi ŋ

• Ācot. 19:​32-41—Ācɛ ō gba ojibo ɛ̄gbā ipu Ɛfesɔsi bi awa ɛpa yɔ i je ɔkɔ gico dɛgba lɛ ɔwɔ ku uwa nōo lé ka Atɛmisis a, amáŋ ɔdā duuma i bɛɛcɛ ŋma anu ŋ. Oŋmɛyi ku nu, ɔmalɛ ku igeli a éyi gáā da uwa kéē ba cii, kéē hii ya ɔdā duuma nōo géē bi unwalu wa ŋ