Ɔtu Ō Lé
Ācɛ ō gba Ujehofa ɛ̄gbā cɛgbá ɔtu ō lé?
Ɔdiya nɛ alɔ cika ō bi ɔtu ka ācɛ ōhī géē ta ō po ɔkoolɔhi nɛ alɔ gē ka a amāŋ bɛyikwu alɔ a?
Umát. 10:22; Ujɔ́n. 15:18, 19; 2 Ukɔ́r. 6:4, 5
-
Aocabɔ ku Ubáyíbu nōo lɔfu ta uwɔ abɔ:
-
2 Upít. 2:5; Ohút. 7:23; Umát. 24:37-39—Naana nɛ Unowa “tɔ́ɔna kú ācɛ kéē yá ɔdā okpaakpa ā,” ɛyinɛhi ku ācɛ ta ō jahɔ tu ɔ. Anu mla ācɛ apɔlɛ ku nu foofunu wi ɛpleeko ku Eŋkpɔ Oceenyi Nɛhi a
-
2 Utím. 3:10-14—Ɔcocɛhɔ Upɔlu bi ocabɔ ku iyi nu le tu Utimoti ɔtu kwu ɔtu kóō lé ɔtu
-
Eko nɛ ācɛ apɔlɛ ku alɔ gē ceyitikwu kéē ci alɔ ŋma ō gba Ujehofa ɛ̄gbā, ɔdiya nōó gē ya alɔ eyijii ŋ ma?
Umát. 10:22, 36-38; Ulúk. 21:16-19
-
Aocabɔ ku Ubáyíbu nōo lɔfu ta uwɔ abɔ:
-
Ohút. 4:3-11; 1 Ujɔ́n. 3:11, 12—Ohigbu ka Ukeni wɛ ɔcobɔbiipu a, ó lɛ ɔyinɛ nu nōo wɛ ɔcɛ ō hayi kpaakpa nōo lé ka Ebɛlu a ŋmo
-
Ohút. 37:5-8, 18-28—Eko nɛ Ujosɛfu da ayinɛ nu ka Ujehofa ya ku anuɔ na ɛnɛɛnɛ ɔna éyi a, é kwu ɔ u ta tu ipu ɔgɔ klla kwu ɔ u je lá ɔfiyɛ
-
Ɔdiya nɛ alɔ i cika ō yuufi ikwū eko néē yɔ i ya alɔ ŋmo ŋ ma?
Klla má Mafú. 2:10
-
Aocabɔ ku Ubáyíbu nōo lɔfu ta uwɔ abɔ:
-
Udán. 3:1-6, 13-18—Naana nɛ ɔcɛ́ a ka anuɔ géē ŋmo ɔcɛ duuma nōo ta ō gba ojibo ɛ̄gbā a, Usadraki, Umessaki mla Abɛdinego ta ō gba ojibo a ɛ̄gbā kpɔ
-
Ācot. 5:27-29, 33, 40-42—Acocɛhɔ a gɔbu yɔ i tɔɔna kpɔ naana nɛ acɛnyilɔ ōhī tu uwa ufi kéē géē ŋmo uwa ɔdaŋ kéē gɔbu yɔ i tɔɔna a
-
Ɔdi gáā ta alɔ abɔ ku alɔ hayi kpaakpa lɛ Ujehofa ɔdaŋ néē kóō lɛ itala ya alɔ a?
Aíit. 3:11, 12; Uhíb. 12:5-7
-
Aocabɔ ku Ubáyíbu nōo lɔfu ta uwɔ abɔ:
-
Áluk. 20:9-12; Obla. 3:23-28; 31:7, 8—Naana nɛ ɔtu le biya lɛ ɔcomɛɛbɛ Umosisi igbihi nɛ Ujehofa lɛ itala ya ɔ a, ó gɔbu yɔ i gba Ujehofa ɛ̄gbā kpaakpa kpɔ
-
2 Aɔ́cɛ́ 20:12-18; 2 Úklɔ́ 32:24-26—Eko nɛ Ɔcɛ́ Uhɛsɛkiya lɛ inyileyi ya a, ɔcomɛɛbɛ ku Ujehofa pi ɔ ahɔ̄. Ó kē ta iyi nu waajɛ miyɛ ahɔ̄ ō pi a klla gɔbu yɔ i gba Ujehofa ɛ̄gbā
-
Ɔdiya nōó lɔfu lɔnɔ tu alɔ ō gɔbu yɔ i gba Ujehofa ɛ̄gbā eko nɛ ācɛ ɔhá ma ō gba Ujehofa ɛ̄gbā a?
-
Aocabɔ ku Ubáyíbu nōo lɔfu ta uwɔ abɔ:
-
Aíjē 73:2-24—Eko nɛ ɔcɛ ō ta ɔkpá ku Aíjē Kú Ɛ̄gbā má ka oyeeyi tɔɔtɛ lɛ ācɛ obɔbiipu a, ó gbɔɔ ō gbɛla ɔdaŋ kóō géē gɔbu gba Ujehofa ɛ̄gbā kpɔ
-
Ujɔ́n. 6:60-62, 66-68—Naana nɛ ācɛ alɛwa ma ō yɛce Ujisɔsi a, ɔtokpoce ku ɔcocɛhɔ Upita ta ɔ abɔ kóō gɔbu yɔ i yɛce Ujisɔsi
-
Ɔdi gáā ta alɔ abɔ ku alɔ lé ɔtu a?
Ɔdaŋ ku alɔ yɔ kwu Ujehofa ajaajɛ, ó géē ta alɔ abɔ ku alɔ lé ɔtu
Eko duuma nɛ alɔ gē jé Ubáyíbu klla gē gbɛla tu ɔdā nɛ alɔ jé a lipu lipu, ó géé ta alɔ abɔ lé ɔtu
Ɔdaŋ ku alɔ gē gbɔɔkɔ lɛ Ujehofa ojigogo klla gē da ɔ ɔdā nɛ alɔ gē gbɛla mla ɛgɛ nɛ ɔtu yɔ i ya alɔ lɛ a, ó géē ta alɔ abɔ lé ɔtu
Uróm 12:12; Ukól. 4:2; 1 Upít. 4:7
-
Aocabɔ ku Ubáyíbu nōo lɔfu ta uwɔ abɔ:
-
Udán. 6:4-11—Ɔcomɛɛbɛ Udaniyɛlu gɔbu yɔ i gbɔɔkɔ lɛ Ujehofa ojigogo, naana néē yɔ i ya ojuju ō kwu ɔ u ŋmo a
-
Umát. 26:36-46; Uhíb. 5:7—Otu amoomɛ ku oyeeyi ku Ujisɔsi ipu ɛcɛ nyā, Ujisɔsi gbɔɔkɔ lɔfu lɔfu klla da ācɛ ɔhá kéē ya lɛ a duu
-
Ɔdaŋ ku alɔ gē gba Ujehofa ɛ̄gbā tɔha mla ayinɛ alɔ, ó géē ta alɔ abɔ lé ɔtu
Ɔdaŋ ku alɔ kwu ɔtu ku alɔ i kwu aɔdā nɛ Ujehofa cokonu ō je lɛ alɔ ɛcɔbu a, ó géē ta alɔ abɔ lé ɔtu
Ɔdaŋ ka alɔ ya ku ihɔtu nɛ alɔ lɛ lɛ Ujehofa mla ayinɛ alɔ a kóō lɔfu tōōtɔ̄ɔ̄, ó géē ta alɔ abɔ lé ɔtu
Ɛgɛ nɛ alɔ géē ya ku ɔtokpoce ku alɔ kóō lɛ ɔfu iyē
Ɔdaŋ ku alɔ blakwu ɛgɛ nɛ ɔtu gē ya Ujehofa eko duuma nɛ alɔ lɛyitaajɛ lɛ ɔ, ó géē ta alɔ abɔ lé ɔtu ku owe
Ɔdi wɛ itene ōhī nōo gē bɛɛcɛ ɔdaŋ ku ɔcɛ hayi kpaakpa yɔ i lé ɔtu a?
Alɔ gē bi owoofu géē lɛ Ujehofa Ɔwɔico ku alɔ
Aíit. 27:11; Ujɔ́n. 15:7, 8; 1 Upít. 1:6, 7
-
Aocabɔ ku Ubáyíbu nōo lɔfu ta uwɔ abɔ:
-
Ujób. 1:6-12; 2:3-5—Usetan ka Ujehofa gē hɔha klla je ogbotu lɛ ācɛ o ya ɛɛ kéē gba ɔ ɛ̄gbā. Ujobu kē lé ɔtu o ya ɛɛ kóō mafu ka Usetan i le kpaakpa ŋ
-
Uróm 5:19; 1 Upít. 1:20, 21—Abɔ Ujisɔsi lɛ ɔtu lé hayi kpaakpa jaa gā ajaajɛ a, ó lɛ ohi ku ɔka ocɛgbá nyā cila nōo kahinii: Ɔcɛ nōo jila iyē bɛɛka Adam a lɔfu hayi kpaakpa jaa gā ajaajɛ eko nɛ ó yɔ i má ojama nɛɛnɛhi?
-
Alɔ gē ta ācɛ ɔhá ɔtu kwu ɔtu kéē lé ɔtu
Ɔtu ō lé gē ta alɔ abɔ ya lɔhi ipu uklɔ ku ɔna ō ta
Ɔdaŋ ku alɔ lɛ ɔtu lé, Ujehofa géē gweeye mla alɔ, ó klla géē hɔha ce alɔ
You May Also Like
LƐYIKWU ALƆ
Dɔka Lɛyikwu Oklɔcɛ Ku Ubáyíbu Ŋma Ɛgiyi Ācɛ Ocijali Ku Ujehofa
Dɔka lɛyikwu oklɔcɛ ku Ubáyíbu, ku a kɔka mla Ācɛ Ocijali Ku Ujehofa amāŋ lɛ ōmiya ku oklɔcɛ ku Ubáyíbu ku alɔ jama.
