Aocabɔ ku Ubáyíbu nōo lɔfu ta uwɔ abɔ:

• 2 Úklɔ́ 32:​2-8—Eko nɛ ācɛ Asiriya wa gáā kpɛfu ta Ujerusalɛm a, Ɔcɛ́ Uhɛsɛkiya lɛ ācɛ a ɔtu tu kwu ɔtu klla lɛ ɔfu tu uwa iyē

• Udán. 10:​2, 8-11, 18, 19—Alelekwu otɛhɔ lɛ Udaniyɛlu ɔtu tu kwu ɔtu klla lɛ ɔfu tu ɔ iyē eko nɛ ó le hilokpliici nɛ ɛ̄jɛ̄ klla le jɛ ɔ a

Aocabɔ ku Ubáyíbu nōo lɔfu ta uwɔ abɔ:

• Obla 3:28; 31:​7, 8—Ɛgɛ nɛ Ujehofa ta Umosisi ukɔ́ lɛ a, ɔcomɛɛbɛ Umosisi lɛ ɔtu ō tu kwu ɔtu je lɛ Ujossuwa klla lɛ ɔfu ta ɔ iyē abɔ ó gáā gbɔɔ ō bi ācɛ Isrɛlu jé ɔwɛ a

• Ācot. 11:​22-26; 14:22—Ɛpleeko ku o ya ŋmo a, ɔcocɛhɔ Upɔlu mla Ubanabasi je ɔtu ō tu kwu ɔtu lɛ Ācɛ O Yɛce Ukraist nōo yɔ Antiyɔku a

 Aocabɔ ku Ubáyíbu nōo lɔfu ta uwɔ abɔ:

• Ācoh. 11:​37-40—Ayipɔncɛnya ku Isrɛlu gē nyɔ gáā má ɔyinɔnya ku Ujɛfuta ihayi doodu o ya ɛɛ kéē cɛtra ɔ ohigbu kóō le yɛ ŋma ɔlɛ gáā gbɔɔ ō yuklɔ ipu Aklɔkpiihɔ

• Mafú. 2:​1-4—Naana nɛ Ujisɔsi cɛgbá ō na Ācɛ O Yɛce Ukraist nōo yɔ Ɛfesɔsi a ta ɔwɛ a, ó da uwa lɛyikwu aɔdā olɔhi néē ya a

Aocabɔ ku Ubáyíbu nōo lɔfu ta uwɔ abɔ:

• 1 Usám. 23:​16-18—Ujonatan jé ka oklobiya anuɔ Udefidi cɛgbá ɔtu ō tu kwu ɔtu, ohigbu ɛnyā ō dɔka nu klla lɛ ɔfu tu ɔ iyē

• Ujɔ́n. 16:33—Ujisɔsi lɛ ɔfu ta ayikpo ku nu iyē ŋma lɛ ō da uwa ku anuɔ lɛ ɛcɛ yale ɛ, ó klla da uwa kéē lɔfu ya lɛ a duu ɔdaŋ ka uwa yɛce ocabɔ ku anuɔ

• Ācot. 28:​14-16—Eko nɛ Upɔlu yɔ i gā Urom a, Upɔlu lɛ ɔtu ō tu kwu lɛ eko nɛ ayinɛ nɔnya mla ayinɛ nɔnyilɔ gā jila anu ɔwɛ a

Aocabɔ ku Ubáyíbu nōo lɔfu ta uwɔ abɔ:

• Áluk. 11:​10-15—Ɔtu le gbenyi lɛ ɔcomɛɛbɛ Umosisi nɛɛnɛhi ohigbu ɛgɛ nɛ ācɛ a gē ka iŋini klla gē ya ikpɛyi olɔfu a

• Áluk. 13:​31, 32; 14:​2-6—Ɛlā nɛ ācɛ ō jila ajɛ má tayinu igwo nōó lɛ ɔtu okpoce ŋ ma ka a, ya ku ɔtu ku ācɛ a kóō le gbenyi, ɛnyā kē ya kéē ya ikpɛyi olɔfu

Aocabɔ ku Ubáyíbu nōo lɔfu ta uwɔ abɔ:

• 2 Úklɔ́ 20:​1-19—Eko nɛ aicɔɔja nɛhi wa gáā kpɛfu tu Ujuda a, Ɔcɛ́ Ujɛhosafati lɛ ācɛ a tuba kéē gbɔɔkɔ lɛ Ujehofa

• Ācot. 12:​1-5, 12-17—Igbihi néē lɛ ɔcocɛhɔ Ujemisi ŋmo néē klla kwu ɔcocɛhɔ Upɔlu i ta inu agba a, ayinɛ nōo yɔ ujɔ nōo yɔ Ujerusalɛm a le jila tɔha kéē gbɔɔkɔ

 Aocabɔ ku Ubáyíbu nōo lɔfu ta uwɔ abɔ:

• Ohút. 39:​19-23; 40:​1-8—Naana nɛ Ujosɛfu yɔ inu agba ohigbu ɔdā nɛ ó ya ŋ ma, ó gbolo ce Ujehofa klla lɛ ɔtu caca ō ta ācɛ ɔhá abɔ

• 2 Aɔ́cɛ́ 6:​15-17—Ɔcomɛɛbɛ Ɛlayissa i yuufi eko nɛ aicɔɔja yɔ i wa gáā kpɛfu ta ɔ ŋ, ó kē gbɔɔkɔ lɛyikwu ɔcocɛhɔ ku nu o ya ɛɛ kóō hii yuufi ŋ duu

Aocabɔ ku Ubáyíbu nōo lɔfu ta uwɔ abɔ:

• 1 Usám. 1:​10, 11, 17, 18—Ujehofa jahɔ tu ɔkɔ ō gba ku Uhana, ó kē ta ɔ abɔ lɛ ɛbɔ ku ɔtu lɛ

• 1 Aɔ́cɛ́ 19:​1-19—Eko nɛ abɔ hɛ ɔcomɛɛbɛ Ɛlayija iyē a, Ujehofa lɛ odole mla eŋkpo je lɛ ɔ. Ó tu ɔ ɔtu kwu ɔtu klla tu ɔtule ŋma lɛ ō je eyiyoce ku ɛcɔbu lɛ ɔ

Aocabɔ ku Ubáyíbu nōo lɔfu ta uwɔ abɔ:

• Ujób. 14:​1, 2, 7-9, 13-15—Eko nɛ ɔtu ku Ujobu le gbenyi nɛɛnɛhi a, ó jé ka Ujehofa géē je anuɔ heyi ŋma ɔlekwu, ɛnyā kē ta ɔ ɔtule

• Udán. 12:13—Ɔcomɛɛbɛ Udaniyɛlu nōo lɛɛbɛka ihayi ofu ɛhɔ (100) a, miyɛ ɔtu ō tu kwu ɔtu ŋma ɛgiyi alelekwu otɛhɔ nōo da ɔ lɛyikwu ule ku ɛcɔbu ku nu

Aocabɔ ku Ubáyíbu nōo lɔfu ta uwɔ abɔ:

• 1 Usám. 30:​1-9—Eko nɛ Ɔcɛ́ Udefidi lɛ unwalu a, ó gbɔɔkɔ lɛ Ujehofa. Ujehofa kē lɛ ɔfu ta ɔ iyē

• Ulúk. 22:​39-43—Eko nɛ Ujisɔsi yɔ i má ojama nɛhi fiyɛ duu a, ó gbɔɔkɔ lɛ Ujehofa ka ó ta ɔ abɔ. Ujehofa kē lɛ alelekwu otɛhɔ tɛhɔ fu ɔ kóō lɛ ɔtu ō tu kwu ɔtu je lɛ ɔ

Aocabɔ ku Ubáyíbu nōo lɔfu ta uwɔ abɔ:

• Ācot. 15:​2-4—Acocɛhɔ Upɔlu mla Ubanabasi je ɔtu ō tu kwu ɔtu lɛ ayinɛ nōo yɔ ipu ujɔ néē gā má a

• 3 Ujɔ́n 1-4—Eko nɛ ɔcocɛhɔ Ujɔni le hilokpliici a, ó lɛ ɔtu ō tu kwu ɔtu ō jé ka ācɛ nɛ ó nwu uwa ɛlā Ɔwɔico a hayi kpaakpa yɔ i gba Ujehofa ɛ̄gbā