Ɛgɛ Nɛ A Géē Ka Unwalu Gwo Mla Ācɛ Ɔhá
Eko nɛ ɔcɛ lɛ alɔ ya cɔnu, ɔdiya nɛ alɔ i cika ō gbɔɔ ō cɔnu amāŋ gwɔɔci ŋ ma?
Aíit. 20:22; 24:29; Uróm 12:17, 18; Ujɛ́m. 1:19, 20; 1 Upít. 3:8, 9
-
Aocabɔ ku Ubáyíbu nōo lɔfu ta uwɔ abɔ:
-
1 Usám. 25:9-13, 23-35—Eko nɛ Unabalu ta kóō je ɔdā nɛ Udefidi mla ācɛ nōo ba mla anu cɛgbá a, Udefidi dɔka ō je oduudu acɛnyilɔ ku ɔlɛ nu a kpo ŋmo, amáŋ Abigɛlu tu Udefidi abɔ kóō hii gwɔɔci ŋ
-
Aíit. 24:17-20—O bu ipu alelekwu Ihɔ, Ɔcɛ́ Usolomɔn ta ɔkpá ka Ujehofa i dɔka ku alɔ gweeye eko nɛ aolɛla ku alɔ yɔ i má owe ŋ. Alɔ kpɔtuce ka Ujehofa géē kɛpɔ tu acobɔbiipu
-
Ɔdaŋ ka Ɔcɛ O Yɛce Ukraist bi ɛlā mla ɔmpanu, ó cika ō kɛla mla anu gɛ ŋ amāŋ bi ɛlā ipu ɔtu lɛyikwu ɔ nɛɛ?
Ulīf. 19:17, 18; 1 Ukɔ́r. 13:4, 5; Āfi. 4:26
-
Aocabɔ ku Ubáyíbu nōo lɔfu ta uwɔ abɔ:
-
Umát. 5:23, 24—Ujisɔsi ku alɔ ya ɔdā duuma nɛ alɔ ya gla o ya ɛɛ ku alɔ lɛ ɛbɔ ya mla ɔyinɛ ɔɔma nōo lɛ ɛlā mla alɔ a
-
Ɔdi nɛ alɔ cika ō ya eko nɛ ācɛ ɔhá lɛ alɔ ya cɔnu a?
Ɔdiya nɛ alɔ cika ō gɔbu yɔ i je yɛhi eko duuma nɛ ɔcɛ nōo ya alɔ odee a le piyabɔ ɔkwɔɔkwɛyi a?
Ɔdaŋ ka Ɔcɛ Ō Yɛce Ukraist ɔmpa alɔ lɛ ɔdobɔbi ya alɔ nɛ alɔ i leyi gwo ɔ bonu gla ŋ, ocabɔ, ɔdaŋ kóō lɛ ɛkɛmgbɛ ka ba alɔ amāŋ lɛ alɔ plla, ɔnyɛ cika ō kɛla lɛ ɔ a, ɔdi kē ya a?
Klla má Ujɛ́m. 5:20
Ɔdaŋ ku ɔcɛ nōo kɛmgbɛ ba alɔ amāŋ nōo plla alɔ a i piyabɔ eko nɛ alɔ kɛla mla anu ŋ, ɔdi nɛ alɔ cika ō ya?