Aocabɔ ku Ubáyíbu nōo lɔfu ta uwɔ abɔ:

• 1 Usám. 15:​17-23—Ɔcomɛɛbɛ Usamuwɛlu tu Ɔcɛ́ Usɔlu ukɔ́ lɔfu lɔfu abɔ ó lɛyitaajɛ lɛ Ujehofa ŋ ma, ó klla lɛ itene ku ɛyi ō le taajɛ ta ɔ eyī peee

• Uhíb. 5:​7-10—Naana nɛ Ujisɔsi wɛ ɔyinɔnyilɔ ku Ɔwɔico nōo jila iyē a, eko nɛ ó yɔ ipu ɛcɛ nyā ó lɛyitaajɛ lɛ Adā nu abɔ ó yɔ i má owe a

Aocabɔ ku Ubáyíbu nōo lɔfu ta uwɔ abɔ:

• Udán. 3:​13-18—Naana nɛ oyeeyi ku uwa kwu ikwū ajaajɛ a, ācɛ Uhibru ɛta nōo hayi kpaakpa lɛ Ujehofa a ta ō tɛyi ku uwa waajɛ lɛ ojibɔ nɛ Ɔcɛ́ Unebukadinesa ma a

• Umát. 22:​15-22—Ujisɔsi lɛ ɔ teyi peee ku ācɛ nōo gē yɛce anuɔ a cika ō lɛyitaajɛ lɛ íne ku ācɛ nōo gē gbaajɛ a ɔdaŋ nōo ya lɛ a i biya íne ku Ɔwɔico duuma ŋ

• Ācot. 4:​18-31—Naana nɛ aigabɔ a kɛla lɛ uwa lɔfu lɔfu kéē hii tɔɔna gɛ ŋ ma a, acocɛhɔ a gɔbu yɔ i tɔɔna kpɔ mla ɔtu ō lɛ

Aocabɔ ku Ubáyíbu nōo lɔfu ta uwɔ abɔ:

• Ɛ́sra 7:​7-10—Ɔcogwɛɛya Ɛsra nōo hayi kpaakpa lɛ Ujehofa a lɛ ɔtu ku nu tutu ō wɛ ocabɔ olɔhi ŋma lɛ ō lɛyitaajɛ lɛ íne ku Ujehofa klla nwu ācɛ ɔhá lɛyikwu ɔ

• Ujɔ́n. 14:31—Ujisɔsi lɛ ɔdā nōo ya nɛ ó gē ya ɔdā nɛ Adā nu da ɔ kóō ya yilii a teyi peee

Aocabɔ ku Ubáyíbu nōo lɔfu ta uwɔ abɔ:

• Ohút. 6:​9-22; Uhíb. 11:7—Unowa mafu ɔtu okpoce ŋma lɛ ō gwo ugbenyi ɛgɛ nɛ Ujehofa da ɔ kóō ya ɔ a

• Uhíb. 11:​8, 9, 17—Ebraham mafu ɔtu okpoce ŋma lɛ ō lɛyitaajɛ lɛ ɔ́da ō nyɔ ŋma Ɔɔru mla ō lɛ ɔyi nu nɔnyilɔ gwɛɛya lɛ Ɔwɔico

Aocabɔ ku Ubáyíbu nōo lɔfu ta uwɔ abɔ:

• Ulīf. 26:​3-6—Ujehofa cokonu ō hɔha klla leyi kwu ācɛ nōo gē lɛyitaajɛ lɛ ɔ a

• Áluk. 13:​30, 31; 14:​22-24—Abɔ Ukalɛbu lɛyitaajɛ lɛ Ujehofa a, Ujehofa hɔha cɛ ɔ

Aocabɔ ku Ubáyíbu nōo lɔfu ta uwɔ abɔ:

• Ohút. 2:​16, 17; 3:​17-19—Abɔ Adam mla Iifu i lɛyitaajɛ lɛ Ujehofa ŋ ma, Uparadais, ō jila iyē mla oyeeyi opiyoo hɛ uwa abɔ

• Obla. 18:​18, 19; Ācot. 3:​12, 18, 22, 23—Ujehofa le ka taajɛ gbɔbu ka ɔcomɛɛbɛ nōo fiyɛ Umosisi géē wa, ó klla ka kéē géē ya ɔcɛ duuma nōo ta ō lɛyitaajɛ lɛ ɔ a itala

• Ujúd 6, 7—Aalelekwu otɛhɔ obɔbi mla ācɛ ku Usɔdɔm mla Ugomora nōó lɛyitaajɛ lɛ Ujehofa ŋ ma, ya ku Ujehofa ka ó cɔnu nɛnɛɛhi

Aocabɔ ku Ubáyíbu nōo lɔfu ta uwɔ abɔ:

• Ujɔ́n. 12:​46-48; 14:24—Ujisɔsi lɛ ɔ teyi peee ka ɔcɛ duuma nɛ ó lɛyitaajɛ lɛ ɛlā ku nu ŋ, ó géē kɛpɔ tu ɔcɛ ɔɔma

Aocabɔ ku Ubáyíbu nōo lɔfu ta uwɔ abɔ:

• Ohút. 37:​3, 4, 8, 11-13, 18—Eko nɛ Ujosɛfu wɛ ɔyipoklobiya a, ó lɛyitaajɛ lɛ adā nu ŋma lɛ ō nyɔ gā iyawu ō gā má ayinɛ nu naana néē gē wɔtu nu a

• Ulúk. 2:51—Naana nɛ Ujisɔsi jila iyē a, ó lɛyitaajɛ lɛ Ujosɛfu mla Umeri nōó jila iyē ŋ ma