Aocabɔ ku Ubáyíbu nōo lɔfu ta uwɔ abɔ:

• Ɔ̄cok. 12:​1-8—Ipu aɔgba ku Ubáyíbu nyā, Ɔcɛ́ Usolomɔn kɛla lɛyikwu unwalu nōo gē wa eko nɛ ɔcɛ gbɔɔ ō je hilokpliici a. Aunwalu bɛɛka eko nɛ ɔcɛ i mɛɛbɛ lɔhi gɛ ŋ (“eyī kú uwɔ kwu dobū nɛ̄ á klla mɛ́ɛbɛ lɔhi glá gɛ ŋ́”) mla eko nɛ ɔcɛ i po ɛlā lɔhi gɛ ŋ (“ɛ́ɛ́ nāa gē pó ijē kú anyā o gbɔ̄dā ɛgɔ̄ ā glá gɛ ŋ́”)

Aocabɔ ku Ubáyíbu nōo lɔfu ta uwɔ abɔ:

• 1 Usám. 12:​2, 23—Ɔcomɛɛbɛ Usamuwɛlu nōo le hilokpliici ɛ ma jé ɛgɛ nōó cɛgbá lɛ ō gbɔɔkɔ ohigbu ācɛ ɔlɛ Ujehofa

• 2 Usám 19:​31-39—Otabɔ nɛ Ubasillayi je lɛ Ɔcɛ́ Udefidi a je ɔ eyī nɛhi, Ubasillayi kē ta iyi nu waajɛ da Ɔcɛ́ Udefidi ka ó gáā tɔɔtɛ lɛ anuɔ ō nyɔ gā Ujerusalɛm gáā cɛ ɔ ɛhɔ gla gɛ ŋ

• Aíjē 71:​9, 18—Eko nɛ Ɔcɛ́ Udefidi gbɔɔ ō yuufi ka anuɔ i tile lɛ Ujehofa gɛ ŋ ohigbu kóō kwu hilokpliici ɛ ma, ó ba Ujehofa ɛba kóō hii ta anuɔ tonu ŋ, amáŋ kóō je ɔfu lɛ anuɔ o ya ɛɛ ku anuɔ nwu aɛgɔ ɔhá ɛlā lɛyikwu ɔ

• Ulúk. 2:​36-38—Ɔcomɛɛbɛ Ana nōo wɛ ɔnyokwu nōo le hilokpliici ɛ ma miyɛ ɔhā ohigbu kóō hayi kpaakpa ipu ɛ̄gbā ō gba ku Ujehofa

Aocabɔ ku Ubáyíbu nōo lɔfu ta uwɔ abɔ:

• Ohút. 12:​1-4—Eko nɛ Ebraham wɛ ihayi ofu ɛta ce igwɛɛhɔ a (75), ó miyɛ uklɔ ŋma ɛgiyi Ujehofa nōo lɛ oyeeyi ku nu piyabɔ

• Udán. 10:​11, 19; 12:13—Alelekwu otɛhɔ wa ɛgiyi ɔcomɛɛbɛ Udaniyɛlu ɛpleeko nɛ ó wɛ ihayi ofu ɛnɛ ce igwo (90) a, ó da ɔ ka Ujehofa yihɔtu nu klla géē cila ɔ ule ka ɛgɛ nɛ ó hayi kpaakpa lɛ a

• Ulúk. 1:​5-13—Ujehofa hɔha ce Usɛkariya mla Ɛlisabeti ŋma lɛ ō ya ɔ tɔɔtɛ kéē ma ɔyinɔnyilɔ éyi nōo lé ka Ujɔni naana néē kwu hilokpliici ɛ ma

• Ulúk. 2:​25-35—Ujehofa lɛ ɛga je Usimiyɔn kóō lɛ ɔcɛ nōo géē je piya Umesayiya a má eko nɛ ó wɛ ɔyipɛ nɛ̄ŋcɛ́ a, Usimiyɔn kē lɛ akacɛ ka lɛyikwu ɔ

• Ācot. 7:​23, 30-36—Umosisi wɛ ihayi ofu ɛnɛ (80) gbɔbu ɛɛ nɛ Ujehofa fu ɔ kōó leyi kwu ācɛ ɔlɛ nu Isrɛlu a

 Aocabɔ ku Ubáyíbu nōo lɔfu ta uwɔ abɔ:

• Ohút. 45:​9-11; 47:12—Ujosɛfu lɛ ɛhɔ tu kéē lɛ adā nu Ujekɔpu nōo kwu hilokpliici ɛ ma bi wa ɛgiyi nu, ó kē leyi kwu Ujekɔpu jaa gbeeko nɛ Ujekɔpu gekwu

• Urút. 1:​14-17; 2:​2, 17, 18, 23—Urutu leyi kwu Unaomi nōo le hilokpliici a o bu ipu ɛlā ō ka mla uce ō ya

• Ujɔ́n. 19:​26, 27 —Eko nɛ Ujisɔsi yɔ i kwū ɛyi ɔcí ku owe a, ó da Ujɔni kóō leyi kwu ɛ́nɛ́ nu nōo dēē ya ɔnyakwɔcɛ ɛ ma