Aocabɔ ku Ubáyíbu nōo lɔfu ta uwɔ abɔ:

• 1 Aɔ́cɛ́ 3:​11-14—Ujehofa hɔha ce Ɔcɛ́ Usolomɔn mla aɔdā agbenu nɛhi ohigbu kóō wɛ ɔcɛ nōo ta iyi nu waajɛ

• Ujób. 1:​1-3, 8-10—Ujobu wɛ ɔcɛ nōo lɛ aɔdā agbenu nɛɛnɛhi, amáŋ, ɛma ku nu mla Ujehofa wɛ ɔdā nōo cɛgbá lɛ ɔ fiyɛ duu a

Aocabɔ ku Ubáyíbu nōo lɔfu ta uwɔ abɔ:

• Ācot. 8:​18-24—Usayimɔn mafu uce ku olila ŋma lɛ ō gbɛla ku anuɔ lɔfu bi ije le lá aɛga ku uklɔ ipu ujɔ ku Ācɛ O Yɛce Ukraist gla

Aocabɔ ku Ubáyíbu nōo lɔfu ta uwɔ abɔ:

• Umák. 10:​17-23—Ohigbu ɛgɛ nɛ ɔcɛnyilɔ éyi nōo wɛ ɛdrɔ nōo lɛ ije mla aɔdā agbenu a piya ɔtu ku ije mla aɔdā agbenu ku nu nɛhi lɛ a, ɛga nɛ ó lɛ ō yɛce Ujisɔsi a hɛ ɔ abɔ

• 1 Utím. 6:​17-19—Ɔcocɛhɔ Upɔlu pi Ācɛ O Yɛce Ukraist nōo lɛ ije mla aɔdā agbenu a ahɔ̄ kéē hii yɔbɔɔcɛ ŋ, ohigbu ka ɔdaŋ kéē gbɔɔ ō yɔbɔɔcɛ, é gáā teyi olɔhi ku Ɔwɔico gɛ ŋ

Aocabɔ ku Ubáyíbu nōo lɔfu ta uwɔ abɔ:

• Ujób. 31:​24, 25, 28—Ujobu jé kóō wɛ ɔdobɔbi ō kpɔtuce aɔdā agbenu ohigbu kóō géē je ɔ ɔtu piya ŋma ɛgiyi Ɔwɔico

• Ulúk. 12:​15-21—Ujisɔsi pi alɔ ahɔ̄ lɛyikwu ihɔtu ku aɔdā agbenu ō ya ŋma lɛ ō kɛla lɛyikwu aciije ku ɔcɛnyilɔ éyi nōo lɛ agbenu, amáŋ ó kē lɛ agbenu ɛgiyi Ɔwɔico ŋ

Aocabɔ ku Ubáyíbu nōo lɔfu ta uwɔ abɔ:

• Uhág. 1:​3-11—Ujehofa bi ɔcomɛɛbɛ Uhagayi le da ācɛ ɔlɛ nu ku anuɔ i gáā hɔha ce uwa gɛ ŋ, ohigbu kéē gē yuklɔ lɔfu lɔfu ō gwo aɔlɛ ku uwa klla jɔɔnyɛ oyeeyi. Amáŋ, é kē lɛ ɛlá wu ō gwo ku agbliihɔ nɛhi ku anuɔ néē gē bi le ya ɛ̄gbā ō gba ku ɔkwɛyi a ŋ

• Mafú. 3:​14-19—Ujisɔsi tu ayinɛ nōo yɔ ujɔ ku Ulawodesiya a ukɔ́ lɔfu lɔfu ohigbu ku aɔdā agbenu cɛgbá lɛ uwa fiyɛ ɛ̄gbā ō gba ku Ɔwɔico a