Aocabɔ ku Ubáyíbu nōo lɔfu ta uwɔ abɔ:

• Ohút. 24:​1-4, 7—Ebraham nōo le hilokpliici ɛ ma ceyitikwu dɔka ɔnyā lɛ ɔyi nu Ayisiki ŋma ipu ācɛ nōo gē gba Ujehofa ɛ̄gbā, ó wɛ ō ŋma ipu ācɛ Ukena nōo gē gba aɔwɔ ɔhá ɛ̄gbā a ŋ

• Ohút. 28:​1-4—Ayisiki da Ujekɔbu kóō hii lɛ ɔnyā ŋma ipu ācɛ ku Ukena ŋ, amáŋ, ó da ɔ kóō dɔka ɔnyā nōo gē gba Ujehofa ɛ̄gbā

Aocabɔ ku Ubáyíbu nōo lɔfu ta uwɔ abɔ:

• 1 Aɔ́cɛ́ 11:​1-6, 9-11—Naana nōó cɛtɔha mla íne ku Ujehofa ŋ ma, Usolomɔn lɛ anya nōó gē gba Ujehofa ɛ̄gbā ŋ. Ohigbu ɛnyā Ujehofa cɔnu da Usolomɔn nɛhi, ó klla cɔnu da Usolomɔn kpɔ ohigbu ka ó cɛ lɛ anya nu ya kóō gbɔɔ ō gba aɔwɔ ɔhá ɛ̄gbā

• Uneh. 13:​23-27—Lɛbɛɛka Ujehofa a, Unehemiya le cɔnu nɛhi eko nɛ ó má ku acɛnyilɔ ku Isrɛlu lɛ anya ŋma éwo ɔhá nōó gē gba Ujehofa ɛ̄gbā ŋ ma. Ohigbu ɛnyā, ó lɛ uwa ahɔ̄ pi klla lɛ itala ya uwa

Aocabɔ ku Ubáyíbu nōo lɔfu ta uwɔ abɔ:

• 1 Usám. 25:​2, 3, 14-17—Unabalu wɛ ɔcɛ nōo lɛ agbenu nɛhi, amáŋ, ó wɛ ɔcɛ nōo bɔbiipu nɛhi klla wɛ ɔcɛ nōo gē ca ɛca nɛhi duu. Ɛnyā ya kóō wɛ ɔba obɔbi lɛ Abigɛlu

• Aíit. 21:9—Ɔdaŋ ku á ya ōmiya ku ijeeyi lɛyikwu ɔcɛ nɛ a géē lɛ a ŋ, ó géē lɔnɔ nɛhi ō gweeye klla yɔ ɛbɔ mla ɔcɛ a

• Uróm 7:2—Ɔcocɛhɔ Upɔlu lɛ ɔ teyi peee ku eko duuma nɛ ɔcɛnya dɔka ō lɛ ɔba, ó géē lɛyitaajɛ lɛ íkwu ōhī nɛ ɔba nu nɛ ó jila iyē ŋ ma lɛ a. Ohigbu ɛnyā, ɔcɛnya nōo jijeeyi gē leyi kwɛɛcɛ lɛyikwu ɛdɔ ɔcɛ nɛ ó géē cɛ kóō wɛ ɔba nu a

Aocabɔ ku Ubáyíbu nōo lɔfu ta uwɔ abɔ:

• Aíit. 24:27—Gbɔbu ɛɛ ku ɔcɛnyilɔ kóō lɛ ɔnyā klla ma ayi, ó cika ō yuklɔ lɔfu lɔfu o ya ɛɛ kóō le tutu ō je otabɔ lɛ apɔlɛ ku nu

 Aocabɔ ku Ubáyíbu nōo lɔfu ta uwɔ abɔ:

• Urút. 2:​4-7, 10-12—Ubowasi jé ɛdɔ ɔcɛnya nɛ Urutu wɛ a ŋma lɛ ō má ɛgɛ nɛ ó gē yuklɔ lɔfu lɛ a mla ɛgɛ nɛ Urutu gē ya ɛlā mla Unawomi a. Ó klla jahɔ tu aɛlā nɛ ācɛ nɛ ɔcɛ lɔtuce uwa gla a ka lɛyikwu Urutu a mla ɛgɛ nɛ Urutu klla yihɔtu ku Ujehofa lɛ a

• Urút. 2:​8, 9, 20—Urutu má ku Ubowasi wɛ ɔcɛ nōo gbonɛnɛ, ó gē nwula abɔ klla yihɔtu ku Ujehofa

Aocabɔ ku Ubáyíbu nōo lɔfu ta uwɔ abɔ:

• Aíit. 5:​18, 19—Ó lɛ aɔwɛ ōhī ō mafu ihɔtu nōo cika ō ya ɔtahɛ ku ɔba mla ɔnyā foofunu

• Usól. 1:2; 2:6—Eko nɛ ɔyipoklɔbiya nōo gē gbo aala mla ɔyipɔncɛnya ku Ussulam gbɔɔ iyawu ō kwu iyi uwa u lɛ a, é mafu ɛgɛ néē yihɔtu ku iyi uwa lɛ a, amáŋ é ya ɛnyā ɔwɛ nōo le yeŋee, ó wɛ ɔwɛ nōo géē ya kéē lɛ unwu ō gwuta mla iyi uwa ŋ

• Usól. 4:12; 8:​8-10—Ɔyipɔncɛnya ku Ussulam a lɛ iyi nu tu yeŋee klla kwu iyi nu bi. É lɛ ɔ gbla ɛhɔ néē lɛ ɔ gwu nɛ ɔcɛ ɔhá i gē gā ɔ ŋ ma

Aocabɔ ku Ubáyíbu nōo lɔfu ta uwɔ abɔ:

• Ohút. 21:​8-12—Ujehofa da Ebraham kóō jahɔ tu ɔnyā nu Usara, naana nɛ ɛlā nɛ ɔnyā nu ka a i he ɔ ɔtu ŋ ma

• Aíit. 31:​10, 11, 16, 28—Ɔba nōo jijeeyi nōo lɛ ɔnyā olɔhi i gē lɛ eyī hɛ kwu ɔnyā nu o ya ɛɛ kóō da ɔ ɛjɛɛji ɔdā nɛ ó cika ō ya amāŋ gē dɔka ɛga nɛ ɔnyā nu nyileyi ŋ. Ikɔkɔ ɔɔma, ó lɔtuce ɔ klla gē cɛtra ɔ

• Āfi. 5:33—Ɔcocɛhɔ Upɔlu mafu ka ɔnyā cika ō jé ka ɔba nu yihɔtu nu

Aocabɔ ku Ubáyíbu nōo lɔfu ta uwɔ abɔ:

• Aíit. 1:8; 1 Ukɔ́r. 7:4—Ó lɛ íkwu ōhī nɛ Ɔwɔico je lɛ ɔnyā mla ɛ́nɛ́ ipu apɔlɛ

• 1 Ukɔ́r. 11:3—Ɔcocɛhɔ Upɔlu lɛ ɔ teyi peee ka ipu ōmiya ku Ujehofa, ɛjɛɛji ācɛ lɛ ɔcɛ nōo wɛ otrɛyi ku uwa. Amáŋ, Ɔwɔico Nōo Fiyɛ Duu a i lɛ ɔcɛ duuma nōo wɛ otrɛyi ku nu ŋ

• Uhíb. 13:​7, 17—Ipu ujɔ, ɛjɛɛji acɛnyilɔ mla acɛnya cika ō yuklɔ tɔha klla lɛyitaajɛ lɛ ācɛ néē fu kéē ma ɔwɛ fu a

Aocabɔ ku Ubáyíbu nōo lɔfu ta uwɔ abɔ:

• Ohút. 18:12; 1 Upít. 3:​5, 6—Usara gē lɛ ojilima nɛhi ce ɔba nu Ebraham ŋma ipu ɔtu ku nu, ó klla gē hi ɔ ka “ɔkpani um”

Aocabɔ ku Ubáyíbu nōo lɔfu ta uwɔ abɔ:

• Ohút. 24:​62-67—Urebeka je ɔtu ō tule lɛ ɔba nu Ayisiki igbihi nɛ ɛ́nɛ́ gekwu a

• 1 Usám. 25:​14-24, 32-38—Abigɛlu je ogbotu lɛ ɔba nu nōo wɛ olila a klla lɛ apɔlɛ ku nu nyata ŋma lɛ ō ta iyi nu waajɛ gbɔɔkɔ lɛ Udefidi kóō mafu eyinyinyi lɛ apɔlɛ ku nu

• Ɛ́sta 4:​6-17; 5:​1-8; 7:​1-6; 8:​3-6 —Ɔcanya Ɛsta lɛ oyeeyi ku nu kwu ikwū ajaajɛ igbo ɛpa ŋma lɛ ō gā ɛgiyi ɔba nu, naana nɛ ɔba nōo wɛ ɔcɛ́ a i hi ɔ igwú ŋ ma. Ɛsta ya lɛ a o ya ɛɛ kóō nyɔ gáā gbɔɔkɔ ohigbu ogbotu ku ācɛ ɔlɛ Ɔwɔico