Ɔdā Nɛ Ujisɔsi Ya

Ɔdi Nɛ Alɔ Nwu Ŋma Ɛgiyi Ujisɔsi A?

2. Ɔdaŋ ku alɔ gē nwu ɛlā ɔwɛ nōo tɔɔtɛ, ācɛ géē blakwu ɛlā nɛ alɔ nwu uwa a, ó klla géē lɛ abɔ kwu uwa ɔtu.

 Gbla Ujisɔsi Ya

3. A hii kɛla fiyɛ ɔfu ŋ. Ikɔkɔ nɛ a géē ka ɛjɛɛji ɛlā nɛ a jé lɛyikwu ikpɛyi ɛlā a, lɛ ɔtu ku uwɔ kwu aɛlā nōo yɔ ipu ɔkpá nɛ a yɔ i bi le ya oklɔcɛ a. Igbihi nɛ a lɛ ɔka da, gbeyicii ku ɔcɛ nɛ a gē klɔcɛ mla ɔ a kóō toohi. Ɔdaŋ kóō jé ohi ku ɔka a ŋ amāŋ lɛ odee ka nōó cɛtɔha mla ɛlā nɛ Ubáyíbu nwu a ŋ, bi aɔka ō cɛgbá ɔhá le kɛla lɛyikwu ɛlā a. Ɔdaŋ ka ɔcɛ nɛ a gē klɔcɛ mla ɔ a lɛ ɔcɛla a jé ɛ, nyɔ gā ɔcɛla ɔhá a.

4. Bi aɔdā nɛ ɔcɛ nɛ a gē klɔcɛ mla ɔ a jé gbɔbu le ta ɔ abɔ kóō jɛyi ku aɛlā ō nwu ɛyipɛ. Ocabɔ mafu, gbɔbu ɛɛ ku a gbo ɛlā ō nwu lɛyikwu oheyi ŋma ɔlekwu, a lɔfu kɛla ligii lɛyikwu ɔdā nɛ ɔcɛ nɛ a gē klɔcɛ ku Ubáyíbu mla ɔ a jé gbɔbu lɛyikwu āhɔ̄ ku ācɛ nōo gekwu a.

5. Bi aciije le yuklɔ ɔwɛ ijeeyi. Gbɔbu ɛɛ ku a bi aciije le yuklɔ, da iyi uwɔ aɔka nyā:

1.    ‘Aciije a wɛ ɛ̄nɛ̄ ō tɔɔtɛ?’

2.   ‘Ó géē tɔɔtɛ lɛ ɔcɛ nɛ um gē klɔcɛ mla ɔ a kóō jɛyi nu?’

3.   ‘Ó géē ta ɔcɛ nɛ um gē klɔcɛ ku Ubáyíbu mla ɔ a abɔ kóō blakwu ɔcɛla a, ikɔkɔ ō blakwu aciije a foofunu?’