Ō GBƆƆ ƆKA Ō KA
ƐLĀ Ō NWU ƆMƐ 2
A Hii Gbɔɔ Ɔka Ō Ka Abɔfu Ŋ
Ukɔ́: “Ɛlā nɛ̄ ɔ̄cɛ le ka lɔhi, lɛbɛ̄ɛka ɔdā ō yá héyīfuú kú ugóolu (oje ɔdɔ) nōo wu ipú oje nɛ̄hɛ́ ā!” —Aíit. 25:11.
Ɔdā Nɛ Ufilipu Ya
1. Lɛ UVIDIO nyā mafu, amāŋ jé Úklɔ́ kú Ācotɛ̄hɔ̄ 8:30, 31. Cɛɛ a leyi yɛ aɔka nōo ba nyā:
Ɔdi Nɛ Alɔ Nwu Ŋma Ɛgiyi Ufilipu A?
2. Ɔdaŋ ku alɔ gbeyi nɛ alɔ i gbɔɔ ɔka ō ka ŋma ipu Ubáyíbu abɔfu ŋ, ɔtu ku ɔcɛ a géē yɔ ɛbɔ nōó klla géē dɔka ō jahɔ tu olɛhɔ ku alɔ.
Gbla Ufilipu Ya
3. Leyi taajɛ lɔɔlɔhi. A lɔfu nwu ɔdā alɛwa lɛyikwu ɔcɛ ŋma lɛ ō má ɛgɛ nōo hayi lɛ, ɛgɛ nɛ ó yɔ i ya iyē mla ɛgɛ nɛ ó yɔ i ya eyī lɛ a. Ɔcɛ a dɔka ō kɛla mla uwɔ? A lɔfu gbɔɔ ō kɛla lɛyikwu ikpɛyi ɛlā éyi ŋma Ubáyíbu ŋma lɛ ō dɔka kahinii: “A jé ka . . . ?” A hii kwu ɔcɛ nōó dɔka ō kɛla ŋ ma abɔfu kóō kɛla mla uwɔ ŋ.
4. Bēē gbeyicii. A hii bi ipu ɔtu piii ka géē gbɔɔ ɔka ō ka ŋma ipu Ubáyíbu boobu ŋ. Gbeyi gbeeko okpaakpa nɛ a géē gbɔɔ ɔka ō ka ŋma ipu Ubáyíbu. Ekoohi, ɛnyā wɛ ku a géē gbeyi jaa gbeeko ɔhá nɛ a géē gbɔɔ ɔka ō ka mla ɔcɛ a.
5. Bēē piya ɔwɛ nɛ a gē tɔɔna a abɔ. Ɔcɛ a lɔfu gbɔɔ ō kɛla lɛyikwu ɔdā nɛ á leyice ŋ. Ohigbu ɔɔma le tutu ō kɛla lɛyikwu ɔdā nōo géē ta ɔcɛ ɔɔma abɔ, naana nɛ ó wɛ ku a géē kɛla ɔhá ŋma Ubáyíbu nōo wɛ ɛyɛɛyi gwu ɔdā nɛ a bi ipu ɔtu a ta a.
