AYA 1
Ɛgɛnyá Nɛ Alɔ Gē Jahɔ lɛ Ɔwɔico A?
Ɔwɔico gē kɛla lɛ alɔ bu ipu Ubáyíbu. 2 Utímōti 3:16
Ɔwɔico ɔkwɔɔkwɛyi a ya ku alɛɛcɛ kéē lɛ ɛlā nōo yɔ ipu ɔtu ku nu a ta ipu ɔkpiihɔ éyi. Ɔkpá ɔɔma wɛ Ubáyíbu á. Ó lɛ ɔka o cɛgbá alɛwa nōo yɔ ipu nu nɛ Ɔwɔico dɔka ku a jé.
Ɔwɔico jé ɔdā nōo lɔhi lɛ alɔ fiyɛ duu á, anu foofunu jijeeyi ɔkwɔɔkwɛyi lɛ alɔ gla á. Ɔdaŋ ku alɔ jahɔ lɛ ɔ, alɔ géē jijeeyi lɔɔlɔhi.—Aíita 1:5.
Ɔwɔico dɔka ku oduudu ācɛ ipu ɛcɛ kéē jé Ubáyíbu. Babanya, ó yɔ ipu uce alɛwa.
Ɔdaŋ ku a dɔka ō jahɔ lɛ Ɔwɔico, ó wɛ o piii ku a géē jé Ubáyíbu klla jɛyi ku ɛlā nɛ a yɔ i jé a.
Umátiyu 28:19
Ɛga doodu ācɛ yɔ i jahɔ.Ācɛ Ocijali ku Ujehofa géē ta uwɔ abɔ jɛyi ɛlā ku Ubáyíbu.
Ipu oduudu ɛcɛ, uwa gē nwu ɛlā ɔkwɛyi lɛyikwu Ɔwɔico.
Á gáā gba ije duuma ku ɛlā néē yɔ i nwu uwɔ a ŋ. A klla géē nwu ɛlā lɛyikwu Ɔwɔico ŋma Agbla ku Ajɔɔcɛ ku Ācɛ Ocijali ku Ujehofa.