Iifu jahɔ ta ɛgwa a, anɔɔ ó lɛ īkpō ku ɔcí a lé á. Igbihaajɛ ó le je lɛ Adam lé duu.

Ɔdā néē ya a wɛ ɔdobɔbi—ó wɛ oyabiya. Ɔwɔico lɛ uwa nu bɛɛcɛ ŋma Uparadais nōo wɛ ɔlɛ uwa a.

Oyeeyi i tɔɔtɛ lɛ uwa mla ayipɛ ɔlɛ uwa ŋ. É kwu hila okpilici anɔɔ é gekwu á. Abɔɔ é gekwu a, é je piya alelekwu ŋ, é kwu piya ajɛ anca.

Alɔ gē kwū ohigbu ka ɛjɛɛji alɔ wɛ ayi ku Adam mla Iifu. Ācɛ nōo gekwu ɛɛ ma i mɛɛbɛ gla ŋ, é po ɛlā gla ŋ, é lɔfu o ya ɔdā duuma gla gɛ ŋ.—Ɔ̄cokóītá 9:5, 10.

Ujehofa i ya ācɛ kéē kwū ŋ. O gboji gɛ ŋ Ujehofa géē je ācɛ nōo kwū a heyi. Ɔdaŋ kéē jahɔ ta ɔ, é géē lā oyeeyi opiyoo.