AYA 9
Eko Nyá Nɛ Uparadais Gáā Wa A?
Unwalu ku ɛcɛ yɔ i mafu ka Ajɔɔcɛ ku Ɔwɔico i gboji o wa gɛ ŋ. Ulúku 21:10, 11; 2 Utímōti 3:1-5
Ubáyíbu tɛtɛ lɛ ɔdā alɛwa nōo yɔ i ya icɛ a ka taajɛ. Ó kahinii, ācɛ géē ya unwu ije, ācɛ i gáā lɛ ojilima ce adā mɛmla ɛ́nɛ́ ŋ, ācɛ o yikpɛla eko doodu, mɛmla ācɛ o yihɔtu ku abahi.
Ajɛ o jiliye nɛɛnɛhi klla hɛ wulu, ɛfú o kpo, ɔkpɛta, mla ōcē obɔbi ō tu kla ɛbɛɛbɛ géē yɔ. Babanya, aɔdā nōo ba nyā yɔ i ya kpɛɛm.
Ujisɔsi klla kahinii: É géē tɔɔna ku ɔkoolɔhi ku ajɔɔcɛ a gā oduudu ɛcɛ.—Umátiyu 24:14.
Ajɔɔcɛ a géē ya ku ɛjɛɛji ɔbiipu kóō mɛ. 2 Upíta 3:13
Ó gboji gɛ ŋ Ujehofa géē je oduudu ācɛ obɔbiipu a yiifi.
É géē ya Usetan mla aalelekwu obɔbi ku nu itala.
Ācɛ nōo jahɔ ta Ɔwɔico a, géē wi gā ipu ɛcɛ ɛyipɛ, ɛga nɛ ufi i gáā yɔ gɛ ŋ. Ɛcɛ ɛyipɛ a wɛ ɛga nɛ ācɛ géē yihɔtu klla kpɔtuce iyi uwa.
You May Also Like
AƆKPA MLA ƆKPA NƐŊCƐ́
Ɔdi Wɛ Ajɔɔcɛ Ku Ɔwɔico a?
Eko nɛ Ujisɔsi yɔ ɛcɛ a, o mafu ɔdā nɛ Ajɔɔcɛ ku Ɔwɔico gáā ya ɛcɔbu a.
AƆKPA MLA ƆKPA NƐŊCƐ́
Owe Géē Mɛ Gla A?
Ubáyíbu kahinii: Ɔwɔico géē ya ku owe kóō mɛ. Ó klla kahinii ɔbiipu gē kwu Ɔwɔico iyē nɛhi, ó kē lɛ ɛlá wu alɛɛcɛ lɔɔlɔhi. Ɛgɛnyá nóō gáā ta uwɔ abɔ ā?
