ACOCƐHƆ Acocɛhɔ a yɔ kéē ta uwɔ abɔ. Kōōcō, yuklɔ tɔha mla uwa oŋma ō yɛce ɔdā néē da uwɔ lɛyikwu ɛga ō je umoto ku uwɔ kwu, ɛga nɛ ɛwa cika ō yɛ, ɛga ō yaajɛ, mla aɔdā ɔhá.

Ɛ̄CÍ O MIYƐ Kōōcō le jé ku ɛnyā lɛ o ya mla ōcē nōo gbɔɔ acigili foofunu.

ƐGA O YAAJƐ Kōōcō bi ācɛ ɔhá ɔtu. Le jé ku ācɛ nɛ a lɔfu lɛ ɛga o yaajɛ ta lɛ uwa wɛ ācɛ nɛ aa ŋma apɔlɛ ekponu, ācɛ nɛ awɔ mla uwa wā tɔha ipu umoto éyi, ācɛ nɛ awɔ mla uwa lā tɔha, amāŋ ācɛ nɛ a gē klɔcɛ ku ubáyíbu mla uwa. Kōōcō a je ɔdā duuma ce ɛyi ɔci nɛ a jé ku anuɔ i je taajɛ lɛ ācɛ mba a ŋ.

ƐHI Ō JE Alɔ gē ŋmo ije nɛhi tu aɔdā nōo gē ya ku alɔ po ɛlā lɔhi, ɔdā o yaajɛ, aɔdā nɛ alɔ i bi le ma uvidio mla aɔdā alɛwa ɔhá o ya ɛɛ ku ojileyi nɛhi nyā kóō lɔɔnyɛ tu alɔ klla ta alɔ abɔ tubla Ujehofa. Ɛhi nɛ a gē je ŋma ɔtu géē ta alɔ abɔ ya aɔdā nōo banya mla otabɔ tu uklɔ nɛ alɔ géē ya ipu oduudu ɛcɛ a. O ya ɛɛ kóō tɔɔtɛ gā uwɔ, ikpati néē gē je ɛhi ta ipu nu yɔ ɛga alɛwa ipu agbla nyā. Ɛhi duuma nɛ a je a jɛ alɔ eyī nɛhi. Ígwu Nōo Gē Leyi Kwu Ɔwa Ku Ācɛ Ocijali Ku Ujehofa gē ta uwɔ ahinya ku otabɔ nɛ a gē je ŋma ɔtu lɛyikwu ɛlā ku Ajɔɔcɛ.

ƆDĀ NŌO GEBI NÉĒ PIYƐ Lɛ ɔdā duuma nɛ a piyɛ nɛ a jé ondu nu ŋ bi gā ɛga néē gē kpo aɔdā nōo gebi néē piyɛ ba a. Ɔdaŋ ku odée ku uwɔ gebi, nyɔ gā aya nyā ku a nyɔ i dɔka nu. É cika ō lɛ ayipɛ nōo gebi ŋma abɔ ádā amāŋ ɛ́nɛ́ uwa bi gā aya nyā. Amáŋ, le jé kóō wɛ ɛga néē gē leyikwu ayipɛ nɛ̄ŋcɛ́ nōó. Kōōcō leyikwu ayipɛ ɔlɛ uwɔ, ku é kē yɔ piya uwɔ.

UBATISIM Ɔdaŋ kéē da ācɛ nōo gáā ya ubatisim a kē yaajɛ ɛga ɔhá ŋ, e géē habɔ ɛga o cice nōo yɔ iyɔbu ɛyi ede a ta lɛ uwa. Ācɛ nōo gáā ya ubatisim a cika o yaajɛ abɔɔ gbɔbu ɛɛ ku ɛlā o kā tɛɛcɛ ku ubatisim a kóō gbɔɔ ɔcí ku Ɛ̄cī Usati. Ɔnyɔɔnyɛ cika o bi utowɛlu mla ɔdowiye nōo cika.

UKLƆ Ō YA ŊMA ƆTU Ɔdaŋ ku a dɔka ō ta abɔ o ya ɛɛ ku ojileyi nɛhi nyā kóō nyɔ mɛɛlɛ, kōōcō nyɔ gā aya nōo gē leyikwu uklɔ ō ya ŋma ɔtu ku ojileyi nyā.

Inɔkpa Ku Ācɛ O Tɔɔna Ku Ajɔɔcɛ Ku Ɔwɔico Aupayɔniya nōo ŋma ihayi 23 gā 65 nōo dɔka ō nyila ipu uklɔ ku ɔna ō ta ku uwa lɔfu wa ōjila ku ācɛ nōo dɔka ō nyɔ inɔkpa ku ācɛ ō Tɔɔna Ku Ajɔɔcɛ Ku Ɔwɔico néē géē ya ɔlɛɛnɔ ku ɛ̄cī Alaadi a. É géē da alɔ ɛga mla eko néē géē ya ōjila nyā a.