Ɔdi Gáā Cɛ Lɛ Apɔlɛ Lɛ Eeye A?
Ɔdi wɛ ohi ku uwɔ . . .
-
ihɔtu?
-
ije?
-
kɛɛ ku ɔdā ɔhá?
ƐLĀ NƐ UBÁYÍBU KA A
‘Ācɛ nēe lɛ ɛlā kú Ɔwɔicō pó, bī ɔ̄ le yúklɔ́ ā géē gweeye’.—Ulúku 11:28, Ubáyíbu kú Idɔ̄ma Ā.
ƐGƐNYÁ NŌÓ GÁĀ TA UWƆ ABƆ A?
Ɔba géē yihɔtu ku ɔnyā nu.—Ācɛ Ɛ́fēsɔsi 5:28, 29.
Ɔnyā géē lɛ ojilima ce ɔba nu.—Ācɛ Ɛ́fēsɔsi 5:33.
Ɛjɛɛji ācɛ ipu apɔlɛ géē lɛ ɔtuce iyi uwa.—Umáki 10:6-9.
ALƆ KPƆTUCE ƐLĀ NƐ UBÁYÍBU KA A GLA A?
Ii, ohigbu ɛlā ɛpa nyā:
-
Ɔwɔico lɛ apɔlɛ kwaajɛ á. Ubáyíbu kahinii: Oŋma ɛgiyi Ujehofa “nɛ̄ ɛjɛ̄ɛ̄jī ipɔ́ɔmā . . . lɛ oyēeyī á.” (Ācɛ Ɛ́fēsɔsi 3:14, 15) Ɛnyā mafu ka Ujehofa lɛ apɔlɛ kwaajɛ á. Ɔdiya nɛ ɛnyā cɛgbá a?
Gbɛla tu ɛlā nyā: Ɔdaŋ ku a lɛ ɔdole o lɔɔnyɛ lé, nɛ a dɔka ō jé aɔdā néē bi le he ɔ a, ɔnyɛ nɛ a gáā da ɔ ɔka a? Ó wɛ ɔcɛ nōo he ɔdole a ŋ nɛɛ?
Ɔwɛ ekponu ɔɔma, o ya ɛɛ ku alɔ jé aɔdā nōo géē cɛ lɛ apɔlɛ lɛ eeye a, alɔ cika ō gbolo ce Ujehofa nōo lɛ apɔlɛ kwaajɛ a.—Ohútu 2:18-24.
-
Ɔwɔico lɛ ɛlá wu uwɔ. Ó géē wɛ ijeeyi ɛgiyi apɔlɛ ɔdaŋ ka é yuklɔ mla ɛlā nɛ Ujehofa ka ipu Ubáyíbu a. Ɔdiya a? ‘Ohígbū kóō lɛ ɛlá wu uwɔ.’ (1 Upíta 5:6, 7) Ujehofa bi olɔhi ku uwɔ ipu ɔtu. Ɛjɛɛji ɛlā nɛ Ujehofa ka a géē ta uwɔ abɔ!—Aíita 3:5, 6; Ayisáya 48:17, 18.
GBƐLA TU ƆKA NYĀ
Ɛgɛnyá nɛ a géē wɛ ɔba, ɔnyā amāŋ ɛ́nɛ́ mla adā olɔhi lɛ a?
Ubáyíbu je ohi ku nu ipu ɔkpá ku ĀCƐ Ɛ́FĒSƆSI 5:1, 2 mla ĀCƐ UKÓLŌSI 3:18-21.
You May Also Like
LƐYIKWU ALƆ
Ɔdi Ya Naa Cika O Y’oklɔcɛ ku Ubáyíbu?
Ubáyíbu yɔ johi k’ɔka nɛhi ku oyeeyi lu ɛwa nɛhi ipu ɛcɛ. A dɔka o wɛ éyi ku uwa a?
LƐYIKWU ALƆ
Dɔka Lɛyikwu Oklɔcɛ Ku Ubáyíbu Ŋma Ɛgiyi Ācɛ Ocijali Ku Ujehofa
Dɔka lɛyikwu oklɔcɛ ku Ubáyíbu, ku a kɔka mla Ācɛ Ocijali Ku Ujehofa amāŋ lɛ ōmiya ku oklɔcɛ ku Ubáyíbu ku alɔ jama.
