Danlod:

• Ɛ̄nɛ̄ É Pi Ina Ku Ijé Tu Ɔ

1. 1. Leyi má iyi uwɔ ku a yɔ ɛcɛ olɔhi.

   Ɛjɛɛji unwalu ku ɛcɛ i klla yɔ gɛ ŋ.

   A yɔ i gweeye nɛhi.

   Ó lɛ ɔdā duuma nōo gē tu uwɔ ufi ŋ.

   Ɛjɛɛji ācɛ nōo kē yɔ ipu ɛcɛ a,

   Kē wɛ ācɛ nōo gē yɛce ɛlā ku Ɔwɔico,

   É klla yihɔtu ku nu.

   Ɛga doodu le mu mla igweeye mla ɛbɔ.

   Alɔ jé ka ɛ̄cī éyi,

   Oco gē ya ɛnyā lɛ alɔ fa

   Ipu ɛcɛ ɛyipɛ nōo i wa a.

   (CHORUS)

   Alɔ lɛ ɛnɛɛnɛ eyiyoce,

   Ka āhɔ̄ ku alɔ klla géē lɔhi kpɔ.

   Eyiyoce nyā gē ya ku alɔ kóō

   Má iyi alɔ ku alɔ yɔ

   Ajɔɔcɛ ku Ɔwɔico.

2. 2. Leyi má iyi uwɔ ku a yɔ i mlɛnyɔ,

   Awɔ mɛmla ācɛ ɔlɛ uwɔ yɔ ɛga nōo heyifuu.

   Ɔtu ku uwɔ le gbo nɛɛ.

   Ŋma ɛga oligbo a má ɔcɛ éyi yɔ i wa.

   Ó gbla ɔcɛ nɛ a jé lɔhi.

   Agije gbɔɔ ō hɛ uwɔ eyī waajɛ.

   Ó ya uwɔ bɛɛka ɔna a.

   Ó kē wɛ ɔcɛ nɛ a humayi gbɔɔkɔ ō má.

   Ācɛ nōo kwu a

   Gē je heyi kpɔ

   Ipu ɛcɛ ɛyipɛ nōo i wa a.

   (CHORUS)

   Alɔ lɛ ɛnɛɛnɛ eyiyoce,

   Ka āhɔ̄ ku alɔ klla géē lɔhi kpɔ.

   Eyiyoce nyā gē ya ku alɔ kóō

   Má iyi alɔ ku alɔ yɔ

   Ajɔɔcɛ ku Ɔwɔico.

   (BRIDGE)

   Ɛlā duuma nɛ ó ka,

   Ɛlā ɔɔma géē ya jila piii.

   Jehofa mla ɔyi nu Ujisɔsi géē

   Hɔha ce ɛjɛɛji ācɛ nōo yɔ ipu ɛcɛ.

   (CHORUS)

   Alɔ lɛ ɛnɛɛnɛ eyiyoce,

   Ka āhɔ̄ ku alɔ klla géē lɔhi kpɔ.

   Eyiyoce nyā gē ya ku alɔ kóō

   Má iyi alɔ ku alɔ yɔ

   Ajɔɔcɛ ku Ɔwɔico,

   Ajɔɔcɛ ku Ɔwɔico,

   Ajɔɔcɛ ku Ɔwɔico,

   Ajɔɔcɛ ku Ɔwɔico.