ƐGƐ NƐ ĀCƐ O YƐCE UKRAIST GĒ LĀ OYEEYI
Adā Mla Ɛ́nɛ́—Aa Nwu Ayipɛ Ɔlɛ Aa Ɛgɛ Néē Géē Ya Ku Ɔwɔico Kóō Gweeye A
Ayipɛ cɛgbá lɛ Ujehofa nɛhi. Ó gē má ɛgɛ ɔtu okpoce mla ihɔtu néē lɛ lɛ ɔ a gē jɛ gico lɛ a, ó klla gē má ɛgɛ néē yɔ i lɔtu a. (1 Usám. 2:26; Ulúk. 2:52) Ɔdaŋ néē kóō wɛ ayipɛ nɛ̄ŋcɛ́ naana, é lɔfu ya ku ɔtu kóō he Ujehofa ŋma uce olɔhi ō ya ku uwa. (Aíit. 27:11) Ujehofa je aɔdā alɛwa lɛ adā mla ɛ́nɛ́ o bu ipu ɔwa ku nu kéē bi le nwu ayipɛ ɔlɛ uwa kéē yihɔtu nu klla lɛyitaajɛ lɛ ɔ.
LƐ UVIDIO NYĀ MAFU NŌO KAHINII: AYIPƐ—ƆTOOLE KU AA GĒ CƐ LƐ UJEHOFA GWEEYE! CƐƐ AA LƐ ƆKA NŌO BA NYĀ CILA:
-
Otabɔ nyá nɛ Ujehofa je lɛ ayipɛ ŋmiifi ihayi alɛwa nōo gáā yɛ ɛ ma?
-
Ɔdi mla ɔdi yɔ babanya ō ta adā mla ɛ́nɛ́ abɔ a?
-
Ɔdaŋ ku a wɛ ɔyipɛ, ɔdi mla ɔdi nɛ Ujehofa je gā uwɔ nōo lɛ itene gā uwɔ ɛ ma, ɔdi kē ya a?
