Ō NWU ƐGƐ NƐ ALƆ GÉĒ YUKLƆ KU ƆNA O TA | YA KU EEYE KU UWƆ KÓŌ NWUNE TŌŌTƆ̄Ɔ̄ IPU UKLƆ KU ƆNA Ō TA

Bi Aciije Lɛ Ɔcɛla Ku Uwɔ Teyi Peee

GBƆƆ

Eko duuma nɛ alɔ yɔ i ya ōcigbihi nyɔ amāŋ yɔ i klɔcɛ ku Ubáyíbu mla ācɛ, alɔ cɛgbá ō ta ācɛ nōo yɔ i jahɔ ta alɔ a abɔ ku ɔcɛla ku alɔ kóō le ta uwa eyī peee. Ɔdaŋ ka alɔ gē lɛ ɔcɛla ku alɔ ta ācɛ eyī peee, alɔ gēé lɛ abɔ kwu uwa ɔtu klla ya ɔ tɔɔtɛ lɛ uwa kéē blakwu ɔcɛla ku alɔ.

Abɔ alɔ yɔ i ya otutu ōcigbihi nyɔ amāŋ ō nyɔ i klɔcɛ ku Ubáyíbu a, lɛ aɔcɛla okpɔcii nɛ a dɔka ō ta aciije lɛyikwu uwa a ta taajɛ, ó wɛ aɔdā ō ligii foofunu ŋ. Cɛɛ ku a bi aciije nōo tɔɔtɛ ō jɛyi nu a le yuklɔ. (Umát. 5:14-16; Umák. 2:21; Ulúk. 14:7-11) Ceyitikwu ku a jé āhɔ̄ mla ɔdā nɛ ācɛ nōo yɔ i jahɔ gā uwɔ a gē ya. (Ulúk. 5:2-11; Ujɔ́n. 4:7-15) Ɔdaŋ ka má kóō yɔ i lɛ eeye ohigbu kóō yɔ i jɛyi ku ɛlā nɛ a yɔ i nwu ɔ a, a géē lɛ eeye nɛhi duu.

LƐ UVIDIO NYĀ MAFU NŌO KAHINII: JƆƆNYƐ UKLƆ Ō LƐ ĀCƐ PIYA AYIKPO KU UKRAIST—Ō YA LƆHI FIYƐ—BI ACIIJE LƐ ƆCƐLA KU UWƆ TEYI PEEE, CƐƐ AA LƐ ƆKA NŌO BA NYĀ CILA:

Ɔdiya nɛ ācɛ nɛ alɔ gē klɔcɛ ku Ubáyíbu mla uwa a cika ō jɛyi ku aɔgba ku Ubáyíbu a?
Ɛgɛnyá nɛ Ɛnɛ lɛ ɔkwɛyi nōo ipu Ācɛ Uróm 5:12 teyi peee a?
Aciije olɔhi gē lɛ abɔ kwu ɔcɛ ɔtu

Intene nyá nɛ aciije olɔhi gē lɛ ācɛ nōo gē jahɔ lɛ alɔ a?
Ipu uklɔ ku ɔna o ta ku alɔ, ɔdiya nɛ alɔ cika ō bi uvidio mla aɔdā ɛyɛɛyɛyi nɛ ɔwa ku Ujehofa ya a le yuklɔ a?