Abɔ alɔ yɔ i lé ɔtu eko amoomɛ ku “eko nɛ̄ ɛcɛ gáā mɛ ā,” alɔ leyice ku unwalu géē yɔ i gico tōōtɔ̄ɔ̄. (2 Utím. 3:1; Umát. 24:8) Eko nɛ amiya yɔ i ya da alɔ, igbalɛwa ācɛ ɔlɛ Ujehofa gē miyɛ ukɔ́ nōo gē nya oyeeyi ku uwa ta teeko. Onyata ku alɔ ɛpleeko ɔɔma lɔfu wa ŋma lɛ ɛgɛ nɛ alɔ gē lɛyitaajɛ gē ya otutu babanya lɛyikwu aɔdā nɛ alɔ cɛgbá ku ɔkpiye mla aku Ɛlā Ɔwɔico.—Ulúk. 16:10.

• Le tutu ipu ɛlā ku Ɔwɔico: Bēē jé Ubáyíbu ku a yɔ i ya oklɔcɛ ku abɔyi uwɔ ojigogo. Nwu ɛgɛ nɛ a géē tɔɔna mla ɔwɛ ɛyɛɛyɛyi. Ɔdaŋ ku á kóō piyatɔha mla ācɛ ipu ujɔ ŋ eko kpii, a hii junwalu lɛ iyi uwɔ ŋ. (Ayis. 30:15) Ujehofa mla Ujisɔsi yɔ kwu uwɔ ajaajɛ.—od 176 ¶15-17

• Lɛ aɔdā nɛ a cɛgbá ku ɔkpiye tutu: Ba tu ɛkpa nɛ iyo nɛ a cɛgbá ya anu ohigbu eko ku amiya amāŋ unwalu a, ɛjɛɛji apɔlɛ cika ō lɛ ɔdole nwune ajɛ, eŋkpɔ, ɛcí mla aodee ɛyɛɛyɛyi ɔhá ohigbu eko nōó géē cɛgbá kéē yɔ ɛga ekponu gboji ajɛ.—Aíit. 22:3; g17.5 4, 6

LƐ UVIDIO NYĀ MAFU NŌO KAHINII: A LE TUTU KU AMIYA ƐƐ? CƐƐ AA LƐ ƆKA NŌO BA NYĀ CILA:

• Ɛgɛnyá nɛ alɔ gáā ya otutu ipu ɛlā Ɔwɔico lɛyikwu amiya a?

• Ɔdiya nɛ alɔ cika ō:

  • yɔ i lɛ ɛma olɔhi klla yɔ i kɔka lɔɔlɔhi mla anyakwɔcɛ ku ujɔ a?

  • lɛ ɛkpa nɛ iyo nɛ alɔ cɛgbá ya anu ohigbu eko ku amiya amāŋ unwalu a?

  • leyi yɛ ɛdɔ ku amiya nōo lɔfu ya ɔwɛ ɛga nɛ alɔ lā a mla ɔdā nɛ alɔ géē ya ipu āhɔ̄ ku ɛdɔ amiya ɔɔma a?

• Ɔwɛ ɛta nyá nɛ alɔ lɔfu je otabɔ lɛ ācɛ ɔhá eko duuma nɛ amiya le ya ɛga néē lā a?

DA IYI UWƆ ƆKA, ‘Aɛlā nyá nɛ um nwu lɛyikwu otutu ō ya ɛpleeko nɛ ōcē ku coronavirus ya ipu oduudu ɛcɛ a?’