ƐGƐ NƐ ĀCƐ O YƐCE UKRAIST GĒ LĀ OYEEYI
Ya Ōmiya Lɛyikwu Ejé Olɔfu Ō Gwa Ɔwɛ Ku Ijeeyi
Lɛyikwu ejé olɔfu ō gwa ɛjɛɛji Ācɛ O Yɛce Ukriast cika ō lɛ uce ō kwu iyi ɔcɛ bi. (Aíit. 23:20, 29-35; 1 Ukɔ́r. 6:9, 10) Ɔdaŋ ku Ɔcɛ Yɛce Ukraist duuma le miya ō gwa ejé olɔfu, ó cika ō gwa fiyɛ ɔfu ŋ. Ó cika ō leyi kwɛɛcɛ kóō hii bēē gbolo ce ejé klla hii hɛ ācɛ ɔhá gwonu ŋ. (1 Ukɔ́r. 10:23, 24; 1 Utím. 5:23) Alɔ kóō hii ya ka ɔcɛ duuma, ofiyɛ duu aɛdrɔ kéē gbɛla ku aa cika ō gwa ejé ŋ.
LƐ UVIDIO KU IKPINDOLO NÉĒ I PI TA ƆDƆ NƐHƐ A MAFU NŌO KAHINII: GBƐLA LƐYIKWU UNWALU NŌO LƆFU BƐƐCƐ ŊMA EJÉ Ō GWA, CƐƐ A LƐ ƆKA NŌO BA NYĀ DA AYINƐ A:
-
Ɔdiya nɛ ɛjɛɛji Ācɛ Yɛce Ukraist cika ō yɛce íne nōo yɔ lɛyikwu ejé olɔfu ō gwa a?—Uróm 13:1-4
-
Ɔdiya nɛ alɔ i cika ō cɛ lɛ ācɛ ɔhá kwu alɔ nyɔ gwa ejé olɔfu ŋ ma?—Uróm 6:16
-
Ɛgɛnyá nɛ alɔ géē ya ku alɔ hii gwonu ta ipu unwalu obɔbi ōhī nōo gē wa ohigbu ejé olɔfu ō gwa ŋ ma a?
