ƐGƐ NƐ ĀCƐ O YƐCE UKRAIST GĒ LĀ OYEEYI
Leyi Má Iyi Uwɔ Ɛgɛ Nɛ Ujehofa Gē Má Uwɔ A
“Ācɛ kú Óndú ā he ɔ́ ɔtū.” (Aíjē 149:4) Naana nɛ alɔ i jila iyē ŋ ma, ó gē má auce olɔhi ku alɔ mla ɔdā nɛ alɔ lɔfu ya ɛcɔbu. Ekoohi, ó lɔfu lɔnɔ tu alɔ ō leyi má auce olɔhi nɛ alɔ lɛ a. Ɔtu lɔfu ya alɔ bɛɛka alɔ i tiile ŋ ma ohigbu ɛgɛ nɛ ācɛ gē ya ɛlā mla alɔ a. Amāŋ, ɔdaŋ ku alɔ kwu ɔtu ku alɔ i kwu inyileyi nɛ alɔ ya ŋma igbihi a, alɔ lɔfu gbɔɔ ō lɛ aafu ɔdaŋ ku Ujehofa yihɔtu ku alɔ ɔkwɔɔkwɛyi. Ɔdi lɔfu ta alɔ abɔ ɔdaŋ ku ɔtu gē ya alɔ lɛ a?
Bla ku Ujehofa gē má ɔdā nɛ alɛɛcɛ i gē má gla ŋ ma. (1 Usám. 16:7) Ɔɔma wɛ kóō gē má fiyɛ ɛgɛ nɛ alɔ gē má iyi alɔ a. Ó kē wɛ ɔdā ō jeyi nɛhi ku Ubáyíbu gē ta alɔ abɔ jɛyi ku ɛgɛ nɛ Ujehofa gē má alɔ a. Alɔ lɔfu jé ɛnyā ŋma lɛ ō jé aɛga ku Ubáyíbu mla aɔka nōo mafu ɛgɛ nɛ Ujehofa yihɔtu ācɛ nōo gē gba ɔ ɛ̄gbā lɛ a.
LƐ UVIDIO NYĀ MAFU NŌO KAHINII: YA KU ƆTU KU UWƆ KÓŌ MIYƐ CƐ KU UJEHOFA YIHƆTU UWƆ, CƐƐ AA LƐ ƆKA NŌO BA NYĀ CILA:
-
Ɔdi nɛ ocabɔ ku ɔcɛ ō kwinya ɔɔma mla adā nu nwu alɔ leyi kwu ɛgɛ nɛ Ujehofa gē má alɔ a?
-
Ɔdaŋ ka ɔcɛ nōo lɛ íne nɛhi biya ya ɔdā duuma nɛ ó ya gla o ya ɛɛ kóō gáā lɛ ɛnɛɛnɛ ɛma lɛ mla Ujehofa, ɛgɛnyá nɛ ó gáā lɛ ɔtu ya ekpo ka Ujehofa yihɔtu ku nu a?—1 Ujɔ́n. 3:19, 20
-
Ɛgɛnyá nɛ ɔyinɛ a lɛ itene ŋma ō jé klla gbɛla tu ɔ̄kā ku Udefidi mla Ujehosafati a?
