ƐGƐ NƐ ĀCƐ O YƐCE UKRAIST GĒ LĀ OYEEYI
Gbo Iyi Uwɔ Ŋma Ɛgiyi Ācɛ Nōo Cigbihi Kwu Ɔwɛ Ō Gba Ujehofa Ɛ̄gbā
Igbalɛwa Usatan mla ācɛ nōo gē tu ɔ ɔkwu a gē lɛ ɛkɛmgbɛ piyatɔha mla ɔkwɛyi o ya ɛɛ ku ɔtu okpoce ku alɔ kóō waajɛ. (2 Ukɔ́r. 11:3) Ocabɔ, ācɛ Asiriya bi ɛlā nōó wɛ ɔkwɛyi duudu ŋ mla ɛkɛmgbɛ le ya ka abɔ kóō hɛ ācɛ ɔlɛ Ujehofa iyē. (2 Úklɔ́ 32:10-15) Ācɛ nōo cigbihi kwu ɔwɛ ō gba Ujehofa ɛ̄gbā icɛ a gē bi ɔwɛ ekponu ɔɔma le yuklɔ duu. Ɛgɛnyá nɛ alɔ cika ō ya lɛ lɛyikwu ɛlā ō nwu ku ācɛ nōo cigbihi kwu ɔwɛ ō gba Ujehofa ɛ̄gbā a? Má ɔ bɛɛka ɛcí obɔbi nōo gē ŋmo ɔcɛ a! A hii jé ɔkpá ku uwa, ta uwa ohi amāŋ ka ɔdā duuma néē ka a ŋ. Leyi kwɛɛcɛ lɔɔlɔhi o ya ɛɛ ku a jé aɛlā néē le tutu kéē bi le ya ku a lɛ aafu ipu ɔtu lɛyikwu Ujehofa mla ɔwa ku nu. Ku a klla ta ɛdɔ aɛlā ɛgɔɔma fiya fiya!—Ujúd 3, 4.
LƐ UVIDIO NYĀ MAFU NŌO KAHINII: ‘NUUNU LƆFU LƆFU OHIGBU ƆTU OKPOCE’!—AYA Ō KPII KU NU, CƐƐ AA LƐ ƆKA NŌO BA NYĀ CILA:
-
Ɔdiya nɛ alɔ cika ō leyi kwɛcɛ ɔdaŋ ku alɔ gē bi ɛga ō kɔka ku intanɛti le yuklɔ a?
-
Ɛgɛnyá nɛ alɔ gáā yɛce ukɔ́ nōo yɔ ipu ɔkpá ku Ācɛ Uróm 16:17 a?
