Ɔdi wɛ ɔkɛla ō gwotu ku Ubáyíbu a? Ɔkɛla ogwotu ku Ubáyíbu wɛ ɔkɛla néē gwotu ku New World Translation ɛpɛpɛ néē ya wɛɛcɛ a. É yɔ i ya ɔ wɛɛcɛ ɛmɛɛma ipu uce alɛwa ɛgɛ nōó tɔɔtɛ lɛ a. Ɔdā olɔhi éyi ku ɔkɛla ō gwotu ku Ubáyíbu a wɛ kéē gē bi ɔkɛla ku ācɛ ɛyɛɛyɛyi le yuklɔ kwɛyi ācɛ ɛyɛɛyɛyi nōo yɔ ipu Ubáyíbu a. É gē jé aɛlā ɔwɛ okpaakpa klla gē lɛ ɔtu tu ɔ o ya ɛɛ kōó bi ɛyi ku ɛgɛ nōó lɛ ipu Ubáyíbu a yilli.

Ɛgɛnyá nɛ ācɛ ōhī yɔ i lɛ itene ŋma ɔkɛla ō gwotu ku Ubáyíbu a? Alɛwa ku ācɛ nōo gē jahɔ ta ɔkɛla ō gwotu ku Ubáyíbu eko doodu a, dɔka ɛgɛ nōó gē ya ku ɛlā ku Ɔwɔico kóō lɛyi tu uwa tōōtɔ̄ɔ̄ a. É gbɛla ka abɔ é yɔ i po ɔkɛla ku ācɛ ɛyɛɛyɛyi nōo kwɛyi ācɛ ɛyɛɛyɛyi ipu Ubáyíbu a, é lɔfu leyi yɛ ahɔ̄ ku aɔdā nōo ya ipu Ubáyíbu a lɔɔlɔhi fiyɛ klla jɛyi ku aɔdā néē ta ipu nu a. (Aíit. 4:5) Ācɛ alɛwa klla ka ku ɔkɛla ō gwotu ku Ubáyíbu a gē ya ku ɔtu ku uwa kóō gbo eko duuma néē lɛ ɔtoplico.—Aíjē 94:19.

Ó yɔ i po ō jé tɛɛcɛ ku Ubáyíbu gbomgbom lɔfu lɛ abɔ kwu oyeeyi ku alɔ. (2 Úklɔ́ 34:19-21) Ɔdaŋ ku aya amāŋ ɛjɛɛji ɔkɛla ō gwotu ku Ubáyíbu yɔ ipu uce nɛ a jɛyi nu, a lɔfu kwu ō jahɔ ta ɔ ogigogo u piya ɔdā nɛ a géē ya ipu oyeeyi ku uwɔ?

LƐ UVIDIO NYĀ MAFU NŌO KAHINII: ƐGƐ NÉĒ YA ƆKƐLA Ō GWOTU KU UBÁYÍBU A—AYA Ō KPII KU NU, CƐƐ AA LƐ ƆKA NYĀ CILA:

Ɔdi he uwɔ ɔtu lɛyikwu ɛgɛ néē ya ɔkɛla ō gwotu ku Ubáyíbu a?