• Aíjē 36:6—Ɔdi lɔfu wɛ ɛyi ɛlā ku ɔcɛ nōo ta ɔkpá Aíjē Kú Ɛ̄gbā eko nɛ ó ka ku okpaakpa ku Ujehofa lɛbɛɛka “ɛfu nɛ̄ɛ̄nɛ̄hi ā”? (it-2 445)

  Ohi ku uwɔ

• Agbenu nyá nɛ a má ŋma ipu Ubáyíbu ō jé ku alaadi nyā nɛ a géē dɔka ō kɔ mɛmla alɔ a?

  Ohi ku uwɔ

Ó lɛ ayinɛ alɔ alɛwa nɛ aɔdā agbenu néē lɛ a hɛ uwa abɔ, ó klla lɛ acɛ néē yihɔtu ku uwa nōo kwū ohigbu amiya nōo gē ya abɔyi uwa mla ɛ̄nɛ̄ ācɛ gē bi abɔ ku uwa le ya. (Aíjē 9:​9, 10) Ó wɛ ɔdā okwiiye ku “eko kú unwalu” nyā lɔfu gbɔɔ eko duuma gla. Ohigbu ɛnyā, alɔ cɛgbá ō lɛ otutu ya taajɛ lɛyikwu aunwalu ɛgɛnyā.

Batɔ ō ya tutu lɛyikwu aɔdā nɛ alɔ cɛgbá ō ya ku alɔ le wi eko ku amiya nyā, a ɔdi gáā lɔfu ta alɔ abɔ lé ɔtu eko nɛ amiya le ya a?

• Lɛ ɔtu ku uwɔ tutu taajɛ: Jé ka amiya gē ya ku a klla gbɛla lɛyikwu ɔdā nɛ a géē ya eko nɛ amiya le ya. A hii lɛ ɔtu ku uwɔ kwu aɔdā agbenu fiyɛ ɔfu ŋ. Ɛnyā géē ta uwɔ abɔ jijeeyi klla lɛ ɔtu ku uwɔ kwu ō nya oyeeyi ku uwɔ mla oyeeyi ku ācɛ ɔhá ta, ikɔkɔ ō yɔ i ceyitikwu je ogbotu lɛ aɔdā agbenu nɛ a lɛ a. (Ohút. 19:16; Aíjē 36:9) Ɔdaŋ ku alɔ i lɛ ɔtu kwu aɔdā agbenu ku alɔ fiyɛ ɔfu ŋ, ó géē ta alɔ abɔ lé ɔtu eko duuma nɛ aɔdā agbenu a hɛ alɔ abɔ.—Aíjē 37:19

• Lɔfu tu ɛma ku uwɔ mla Ujehofa iyē: Ya ku ɔtu nɛ a kpoce Ujehofa a kóō lɔfu ku a klla jé ku Ujehofa yɔ i ya ɔtu caca ō leyi kwu uwɔ. (Aíjē 37:18) Gbɔbu ku amiya kóō ya, bla eko doodu ka Ujehofa géē je ogbotu lɛ ācɛ nōo gē gba ɔ ɛ̄gbā a ɔdaŋ nɛ ɛjɛɛji agbenu néē kóō lɛ a hɛ uwa abɔ—Ujɛr. 45:5; Aíjē 37:​23, 24

Ɔdaŋ ku alɔ kpɔtuce ku Ujehofa géē ya ɛjɛɛji aokonu nɛ ó ce a jila a, alɔ géē lɛ ɔ piya ‘ɛga otayinu ku alɔ eko ku unwalu.’—Aíjē 37:39.

Lɛ UVIDIO nyā mafu A Le Tutu Ku Amiya Ɛɛ? Cɛɛ a lɛ ɔka nōo ba nyā da ayinɛ a kahinii:

• Ɛgɛnyá nɛ Ujehofa gē ta alɔ abɔ eko ku amiya a?

  Ohi ku uwɔ

• Ɔdi mla ɔdi nɛ alɔ lɔfu ya o ya ɛɛ ku alɔ le tutu a?

  Ohi ku uwɔ

• Ɛgɛnyá nɛ alɔ lɔfu je otabɔ lɛ ācɛ nɛ amiya ya da uwa a?

  Ohi ku uwɔ