ƐGƐ NƐ ĀCƐ O YƐCE UKRAIST GĒ LĀ OYEEYI
Bi Ijeeyi Le Je Ɔdā Nɛ A Géē Dɔka Ō Bi Le Jɔɔnyɛ Iyi Uwɔ A
Ɔdiya nɛ alɔ cika ō bi ijeeyi le je ɛdɔ ɔdā nɛ alɔ géē dɔka ō bi le jɔɔnyɛ iyi alɔ a? Ohigbu ka eko nɛ alɔ lɛ ufim nɛ alɔ dɔka o má a je, nɛ alɔ lɛ ijé nɛ alɔ dɔka ō po a je, ɛga ku intanɛti nɛ alɔ dɔka ō nyɔ, ɔkpá nɛ alɔ dɔka ō jé, amāŋ icɛ ku uvidio nɛ alɔ dɔka ō ta, ayika alɔ yɔ i je ɔdā nɛ alɔ dɔka kóō mu ɔtu ku alɔ a. Aɔdā nɛ alɔ gē je ō ya a, gē lɛ abɔ kwu uce o ya ku alɔ. Ó kwiye ka ɛdɔ ku aɔdā ō bi le jɔɔnyɛ iyi ɔcɛ, nōo yɔ icɛ a lɛ aɔdā ōhī ipu nu nɛ Ujehofa ka kóō lɔhi ŋ. (Aíjē 11:5; Ugal. 5:19-21) Ohigbu ɛnyā, Ubáyíbu tu alɔ ukɔ́ ka aɔdā nōo gē je owofu lɛ Ujehofa a nɛ alɔ cika ō bēē gbɛla lɛyikwu ɔ a.—Ufíl. 4:8.
LƐ UVIDIO NYĀ MAFU NŌO KAHINII: ƐDƆ KU AƆDĀ Ō BI LE JƆƆNYƐ IYI UM NYÁ NƐ UM CIKA Ō JE A? CƐƐ, AA LƐ AƆKA NŌO YƆ ƐHAAJƐ A CILA:
-
Ɛgɛnyá nɛ ija néē gē he ipu Urom eko ikee a gbla aɔdā ōhī nɛ ācɛ gē bi le jɔɔnyɛ iyi uwa icɛ a?
-
Ɛgɛnyá nɛ ācɛ nōo yɔ ipu ujɔ a lɔfu ta ācɛ nōó jikoko ŋ ma abɔ kéē bi ijeeyi le je ɔdā néē dɔka ō bi le jɔɔnyɛ iyi uwa a?
-
Ɛgɛnyá nɛ ɔkpá ku Ācɛ Uróm 12:9 cika ō lɛ abɔ kwu alɔ eko nɛ alɔ yɔ i je ɔdā nɛ alɔ géē dɔka ō bi le jɔɔnyɛ iyi alɔ a?
-
Ɛdɔ ku aɔdā ō bi le jɔɔnyɛ iyi ɔcɛ nyá yɔ ɔwɛ ɛga nɛ a lā a?
