ƐGƐ NƐ ĀCƐ O YƐCE UKRAIST GĒ LĀ OYEEYI
Fu Ācɛ Nōo Géē Wɛ Ɔkpa Ku Uwɔ Mla Ijeeyi
Ɔdā nōo ya da ācɛ Isrɛlu ɔpɛ ku Umowabu a wɛ ahɔ̄ ō pi lɛ Ācɛ O Yɛce Ukraist icɛ. (1 Ukɔ́r. 10:6, 8, 11) Ācɛ Isrɛlu nōo gbɔɔ ō piyatɔha mla acɛnya ku Umowabu nōo gē ya uce ku aja ō gbo, nōo gē gba ojibo ɛ̄gbā a gbɔɔ ō ya uce obɔbi nɛhi nɛ uwa gē ya a. Ɛnyā bi ɔdobɔbi nɛhi wa i kla ācɛ Isrɛlu. (Áluk. 25:9) Alɔ le yɛ jila ta mla ācɛ nɛ alɔ gē yuklɔ mla uwa, ayipɛ inɔkpa, aoladoogbe, aɔmaapu mla ācɛ nɛ alɔ jé nōó gē gba Ujehofa ɛ̄gbā ŋ. Ɔdi nɛ alɔ lɔfu nwu ŋma ocabɔ ku Ubáyíbu nyā lɛyikwu unwalu nōo lɔfu wa ɔdaŋ ku alɔ gē piyatɔha mla ācɛ nōó gē gba Ujehofa ɛ̄gbā ŋ ma?
LƐ UVIDIO NYĀ MAFU NŌO KAHINII: AHƆ̄ Ō PI LƐ EKO KU ALƆ NYĀ—AYA O KPII, CƐƐ AA LƐ ƆKA NŌO BA NYĀ CILA:
-
Ɛlá ō gbo obɔbi nyá nɛ Usimiri mla ācɛ ɔhá da Ujamin a?
-
Ɛgɛnyá nɛ Ufinɛhasi ta Ujamin abɔ leyi má ɛlā ɔwɛ okpaakpa a?
-
Ɔdi wɛ ɛyɛɛyi ō piyatɔha mla ɔcɛ nōó wɛ Ɔcɛ O Yɛce Ukraist ŋ mla ō wɛ ɔkpa ku nu a?
-
Ɔdiya nɛ alɔ cika ō leyi kwɛɛcɛ ɔdaŋ ku alɔ kóō yɔ i fu ācɛ nōo géē wɛ ɔkpa ku alɔ ipu ujɔ a?
-
Ɔdiya nɛ alɔ i cika ō wɛ ipu ígwu ɛga nɛ ācɛ gē kɔka tɔha ipu intanɛt nɛ alɔ i jé ācɛ a ŋ ma?
